Yesaya 52:3 - BAIBLO ALOO NGMAMI KLƆUKLƆU Ɔ

³ Bɔ nɛ Yawɛ ngɛ e ma a dee ji nɛ ɔ nɛ: “Tsa pi sika nɛ a kɛ he nyɛ kɛ pee nyɛ nyɔguɛ, lɔ ɔ he ɔ, a kɛ sika be nyɛ kpɔe.

Yesaya 52:3 ပူးပေါင်းရင်းမြစ်များ

La 44:12

O jua o ma a, nɛ o he nɔ́ ko nyafii kɛkɛ, kaa nɔ́ nɛ o ma a he be se nami ko kulaa.

La 44:13

O ha nihi nɛ bɔle wɔ kɛ kpe ɔ na wa we ahlua a; a ye wa he fɛu, nɛ a muɔ wɔ.

Yesaya 1:27

Akɛnɛ dalɔ ji Yawɛ he je ɔ, e ma he Yerusalem yi wami, nɛ nɔ tsuaa nɔ nɛ ngɛ lejɛ ɔ nɛ ma tsake e tsui hu, a ma he e yi wami.

Yesaya 45:13

Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Yesaya 63:4

I pee ye yi mi momo kaa ma gbla he nyɛli ɔmɛ a tue; lɔ ɔ he ɔ, ma he ye ma a yi wami; ejakaa be ɔ su jehanɛ.

Yeremia 15:13

Yawɛ de mi ke, “Yayami nɛ ye ma a pee ngɛ zugba a tsuo nɔ he je ɔ, ma ha nɛ he nyɛli ma ba ha a ní, kɛ a juetli kɛ je.

Ezekiel 16:31

O pee jami hehi ngɛ blɔ ɔmɛ tsuo a mi kɛ ha o he. E slo mo ngɛ yaholi kpa amɛ a he; ejakaa moo lɛɛ o he we sika.

Ezekiel 34:27

Nga nɔ tso ɔmɛ maa wo yiblii, nɛ zugba a maa ba ní saminya; kɛkɛ ɔ, tue mi jɔmi maa ba zugba a nɔ. Ma kplɔ kɔsɔkɔsɔ ɔmɛ kɛ je a kuɛ mi, nɛ a ye a he kɛ je nyɔguɛ si himi mi. A ma ba hi mɛ nitsɛmɛ a zugba nɔ. Kɛkɛ ɔ, a maa le kaa imi ji Yawɛ.

Mose III, 25:54

Ke a nyɛ we nɛ a kpɔ lɛ kɛ gu blɔ nɛ ɔmɛ eko nɔ ɔ, lɛɛ ja Heyemi jeha kpa su loko a maa ngmɛɛ e kɛ e bimɛ ɔmɛ a he.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,