Yesaya 52:14 - BAIBLO ALOO NGMAMI KLƆUKLƆU Ɔ

¹⁴ Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Yesaya 52:14 ပူးပေါင်းရင်းမြစ်များ

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

La 22:17

Ye wuhi tsuo pɛpɛɛpɛ je kpo. Nimli yayami ɔmɛ muɔ a hɛngmɛ ngɔ pue ye nɔ, nɛ a ngɛ ye he fɛu yee.

Mateo 27:14

Se Yesu ha we lɛ heto; sanehi nɛ a po ngɔ fɔ e nɔ ɔ, e je we kake po nya. Nɔ́ nɛ ɔ ha amlaalo ɔ nya kpɛ e he nitsɛnitsɛ.

Luka 22:64

A fi e hɛ mi, nɛ a bi lɛ ke, “Mɛnɔ lɛ fia mo nɔ́ ɔ? De wɔ!”

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Marko 6:51

Kɛkɛ nɛ e ba a ngɔ ngɛ lɛ ɔ mi; nɛ kɔɔhiɔ ɔ jɔɔ fiami. Kaseli ɔmɛ a nya kpɛ a he nitsɛnitsɛ, nɛ a hɛ mi pee mɛ yaa;

Marko 5:42

Amlɔ ɔ, jokuɛ yo ɔ te si nɛ e bɔni nyɛɛmi. (E ye jeha nyɔngma kɛ enyɔ.) Ni ɔmɛ a nya kpɛ a he nitsɛnitsɛ ngɛ nɔ nɛ ba nɛ ɔ he.

Mateo 7:28

Benɛ Yesu tu munyu nɛ ɔmɛ gbe nya a, ni ɔmɛ a nya kpɛ a he ngɛ bɔ nɛ e plɛ kɛ tsɔɔ ní ɔ he.

La 71:7

Mo ji ye wesa he nɛ he wa; enɛ ɔ he je ɔ, i ba pee nɔ hyɛmi nɔ́ kɛ ha nihi babauu.

Luka 5:26

Mɛ tsuo a he mi po, nɛ a ye gbeye, nɛ a je Mawu yi, nɛ a de ke, “Wa na nyakpɛ ní mwɔnɛ ɔ!”

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

Luka 2:47

Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Marko 10:32

Jehanɛ Yesu kɛ e kaseli ɔmɛ ngɛ blɔ ɔ nɔ kɛ yaa Yerusalem, nɛ Yesu nyɛɛ a hɛ mi. Kaseli ɔmɛ a hɛ mi pee mɛ yaa, nɛ nihi nɛ nyɛɛ se ɔ, gbeye nu mɛ. Yesu ngɔ ni nyɔngma kɛ enyɔ ɔmɛ kɛ ya se ekohu, nɛ e bɔni mɛ níhi nɛ maa ba e nɔ ɔ demi ke,

Marko 10:26

Benɛ e de kikɛ nɛ ɔ, e kaseli ɔmɛ a he mi po saminya, nɛ a bi a he ke, “Lɛɛ mɛnɔ yi wami a ma nyɛ he mɔ?”