Yesaya 52:12 - BAIBLO ALOO NGMAMI KLƆUKLƆU Ɔ

¹² Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Yesaya 52:12 ပူးပေါင်းရင်းမြစ်များ

Yesaya 58:8

“Kɛkɛ ɔ, ye dloomi ɔ maa ba nyɛ nɔ kaa mɔtu pu la nɛ haa je mi tsɔɔ, nɛ nyɛ pa amɛ ma gbo mla. I kɛ nyɛ maa hi si be tsuaa be, konɛ ma he nyɛ yi wami. Ke nyɛ pee nɔ́ nɛ da a, lɔ ɔ maa je blɔ kpakpa ha nyɛ, nɛ ye hɛ mi nyami ɔ maa nyɛɛ nyɛ se, nɛ nyɛ maa ye manye.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Yesaya 45:2

“Imi nitsɛ ma nyɛɛ o hɛ mi, nɛ ma ba yo ɔmɛ tsuo si. Ma ku akɔblee agbo ɔmɛ, nɛ ma poo a se lami ní ɔmɛ a mi ngɔ pue he.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Kronika I, 14:15

Ke o nu nɔ́ ko nɛ ngɛ pɛe ngɛ tso ɔmɛ a yi mi kaa ta buli nɛ a ngɛ nyɛɛe ɔ, yaa nɛ o ya tua Filisti bi ɔmɛ; ejakaa imi Mawu i nyɛɛ o hɛ mi kɛ yaa nɛ ma ya gbe Filisti ta buli ɔmɛ.”

Mose IV, 10:25

Nyagbe ɔ, Dan bi ɔmɛ hia tabo nya tabo nya kɛ a wɛtso aflaangaa. Mɛ ji Israel ta a tsuo a se tabo, nɛ a nyatsɛ ji Amishadai bi Ahiezer.

Mose II, 12:11

Nyɛɛ ye ní ɔ kaa blɔ hiali. Nyɛɛ fi nyɛ kpɛti; nyɛ tokota nɛ hi nyɛ nane; nyɛ dɛma tso nɛ hi nyɛ dɛ mi, nɛ nyɛɛ ye ní ɔ esɔesɔ; ejakaa Hetsɔmi nyami ligbi kɛ ha imi, Yawɛ ji nɛ ɔ nɛ.

Manyadali 4:14

Kɛkɛ nɛ Debora de Barak ke, “Tee si! Mwɔnɛ ligbi nɛ ɔ, Yawɛ ngɔ Sisera kɛ wo o dɛ mi. Anɛ pi Yawɛ nitsɛ nɛ hia kɛ nyɛɛ o hɛ mi kɛ yaa a lo?” Lɔ ɔ he ɔ, Barak kple Tabor yo ɔ, kɛ e we bi akpe nyɔngma amɛ ngɛ e se.

Mose II, 12:39

Nɛ a ngɔ ma a nɛ a kɛ je Egipt ɔ kɛ sã abolo kplolo. A na we be nɛ a kɛ gbe ma a; niye ní hu a hoo we, ejakaa pe a fie mɛ kpatakpata kɛ je Egipt.

Mose II, 12:33

Jehanɛ Egipt bi ɔmɛ tsitsɛɛ Israel bi ɔmɛ a yi se ke a pee esɔ nɛ a je a zugba a nɔ; ejakaa a kɛ hɛdɔ de ke, “Wa yi ta oo!”

Yesaya 51:14

E be kɛe kulaa nɛ nihi nɛ a wo mɛ tsu ɔ maa ye a he. A ma na a nya mi ngma bɔ nɛ sa, nɛ a se maa kɛ ngɛ je mi.

Mose II, 14:8

Yawɛ kplii Egipt matsɛ ɔ tsui, nɛ be nɛ Israel bi ɔmɛ yaa kɛ gɛjɛmi ɔ, e fie a se.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.

Yesaya 26:7

Nihi nɛ peeɔ nɔ́ kpakpa a, a blɔ da tlɔmɔɔ; mo lɛ o ha a blɔ da ja a nɛ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Yesaya 49:11

“Ma je blɔ kɛ nyɛɛ yo ɔmɛ a nɔ, nɛ ma pee gbɛjegbɛ ha ye ma a.

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Yoshua 4:11

Benɛ a po pa a ta a, osɔfo ɔmɛ nɛ tloo somi daka a hu po, nɛ osɔfo ɔmɛ ya je ma a hɛ mi.