Yesaya 52:11 - BAIBLO ALOO NGMAMI KLƆUKLƆU Ɔ

¹¹ Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Yesaya 52:11 ပူးပေါင်းရင်းမြစ်များ

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Ni Tsumi 10:28

Nɛ e de mɛ ke, “Nyɛ nitsɛmɛ nyɛ le kaa Yuda no be he blɔ nɛ e kɛ ma kpa ko mi no bɔɔ, aloo e baa e ngɔ. Se imi lɛɛ Mawu je tsɔɔ mi ke ma ko bu nɔ ko yaka nɔmlɔ, loo nɔ nɛ he tsɔ we.

Ni Tsumi 10:14

Se Petro ke, “Nyɔmtsɛ, dɛbi; nɔ́ ko nɛ a buu kaa e he tsɔ we, loo e sɛ nɛ a yeɔ ɔ, i yi hyɛ.”

Ezekiel 44:23

“Osɔfo ɔmɛ nɛ́ a tsɔɔ ye ma a slɔɔto nɛ ngɛ nɔ́ klɔuklɔu, kɛ nɔ́ nɛ be klɔuklɔu a kpɛti, kɛ slɔɔto nɛ ngɛ nɔ́ nɛ he tsɔ we, kɛ nɔ́ nɛ he tsɔ a kpɛti.

Yeremia 51:45

Ye ma, Israel, nyɛɛ tu fo kɛ je lejɛ ɔ! Nyɛɛ tu ye mi mi fumi nɛ nya wa a nya fo, konɛ nɔ tsuaa nɔ nɛ he e yi wami.

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.

Yeremia 50:8

“Israel bi, nyɛɛ tu fo kɛ je Babilonia! Nyɛɛ je Kaldea bi ɔmɛ a zugba a nɔ! Nyɛ he nɛ sɔ! Nyɛɛ pee kekleekle nihi nɛ maa je lejɛ ɔ, kaa bɔ nɛ to akpakpohi nyɛɛɔ to kuu a hɛ mi ɔ.

Mose III, 11:47

Mlaa nɛ ɔ tsɔɔ slɔɔto nɛ ngɛ lohwehi nɛ a he tsɔ, kɛ lohwehi nɛ a he tsɔ we a kpɛti, kɛ slɔɔto nɛ ngɛ lohwehi nɛ a yeɔ, kɛ lohwehi nɛ a yi a kpɛti.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Mose III, 11:45

Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

Mose II, 30:19

Ke Aaron kɛ e binyumu ɔmɛ maa sɛ kpe he bo tsu ɔ mi ɔ, a ngɔ nyu ɔ kɛ fɔ a dɛ kɛ a nane he, konɛ a ko gbo. Ja nɔuu a fɔ a dɛ kɛ a nane he loko a ya bɔ sami la tɛ ɔ he nɛ a ya sã bɔ ha imi Yawɛ bɔ nɛ pee nɛ a ko gbo. Nɔ́ nɛ ɔ maa pee mlaa nɛ fɔɔ si kɛ ha Aaron kɛ e nina kɛ yaa neneene.”

Mose IV, 8:6

“Je Levi bi ɔmɛ kɛ je Israel bi ɔmɛ a kpɛti, nɛ o tsukɔ a he.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Mose IV, 19:11

“Nɔ tsuaa nɔ nɛ maa ta nɔ gbogboe he ɔ, e ble e he; nɛ e he tsɔ we kɛ yaa si ligbi kpaago.

Mose IV, 19:16

Nɔ tsuaa nɔ nɛ maa ta nɔ gbogboe he ngɛ nga nɔ ɔ, e he tsɔ we kɛ yaa si ligbi kpaago, nɔ nɛ a kɛ klaate gbe lɛ jio, nɔ nɛ gbo lɛ nitsɛ e gbenɔ jio. Jã kɛ̃ nɔ nɛ maa ta nɔ gbogboe wu, aloo yɔkɔ ko he ɔ, lɛ hu e he tsɔ we kɛ yaa si ligbi kpaago.

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Yeremia 31:21

Nyɛɛ ma tsohi ngɛ blɔ he kɛ to blɔ ɔ he so. Blɔ nɛ nyɛ maa nyɛɛ nɔ kɛ ya a, nyɛɛ to blɔ ɔ he hɛ saminya. Israel ma, nyɛɛ kpale kɛ ba koo! Nyɛɛ kpale kɛ ba nyɛ nitsɛmɛ nyɛ ma amɛ a mi.

Mose III, 21:6

Osɔfo tsuaa osɔfo nɛ pee e he klɔuklɔu, nɛ e ko pue ye hɛ mi si; ejakaa lɛ nɛ sãã niye ní bɔ ɔ haa imi Yawɛ, lɔ ɔ he ɔ, e sa nɛ e pee e he klɔuklɔu.

Kronika I, 15:12

David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Zakaria 2:10

Yawɛ ke, “Yerusalem bi, nyɛ la nɛ nyɛ bua nɛ jɔ; ejakaa i ma nɛ i kɛ nyɛ ba hi si.”

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.