Yesaya 51:9 - BAIBLO ALOO NGMAMI KLƆUKLƆU Ɔ

⁹ Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yesaya 51:9 ပူးပေါင်းရင်းမြစ်များ

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

La 89:10

Rahab, wo mi lohwe ɔ nɛ he ngɛ gbeye ɔ, mo lɛ o kpata e hɛ mi pɛsɛpɛsɛ. O kɛ o he wami kpetekpleenyɛ ɔ ye o he nyɛli ɔmɛ a nɔ kunimi.

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

Hiob 26:12

E kɛ e he wami jɔɔ wo ɔ he, nɛ e kɛ juɛmi kpata wo mi lohwe ɔ nɛ a tsɛɛ Rahab ɔ hɛ mi.

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 87:4

“Ma tsɛ Egipt, kɛ Babilonia kɛ piɛ ye huɛmɛ ɔmɛ a he. Yerusalem ma mi bi ɔmɛ hu ma tsɛ Filistia, Tiro, kɛ Sudan kɛ piɛ a he.”

La 44:23

Nyɔmtsɛ, o hɛ nɛ tsɛ! Tee si nɛ o hyɛ wɔ; ko kua wɔ kulaa!

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 11:17

nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

Luka 1:51

E kɛ e he wami kpetekpleenyɛ ɔ gbɛ he nɔ woli, kɛ a juɛmi yaya a tsuo ngɔ fĩa.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Yesaya 51:5

Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

La 78:65

Kɛkɛ nɛ Nyɔmtsɛ ɔ te si pam kaa nɔ ko nɛ je mahe mi, aloo oblai nɛ nu dã, nɛ ngɛ huhui kpae.

La 21:13

Yawɛ, wa ngɛ o yi jee ngɛ o he wami kpetekpleenyɛ ɔ he. Wa ma la kɛ je o yi, ejakaa o he wa wawɛɛ nitsɛ!

Manyadali 6:13

Gideon de lɛ ke, “I kpa mo pɛɛ, ke Yawɛ kɛ wɔ ngɛ niinɛ ɔ, mɛni he je lɛ ní nɛ ɔmɛ tsuo ba wa nɔ mɔ? Nyakpɛ níhi tsuo nɛ wa nɛmɛ ɔmɛ gba wɔ ke Yawɛ pee ha mɛ ɔ, jije a ngɛ? Pi lɛ nɛ e kpaka mɛ kɛ je Egipt kɛ ba a? Amlɔ nɛ ɔ lɛɛ Yawɛ sake wɔ ngɔ fɔ he; e ngɔ wɔ kɛ wo Midian bi ɔmɛ a dɛ mi.”

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Yohane 12:38

bɔ nɛ pee nɛ gbalɔ Yesaya munyu ɔ nɛ ba mi. Yesaya de ke, “Nyɔmtsɛ, munyu nɛ wa fiɛ ɔ, mɛnɔ lɛ he ye? Mɛnɔ lɛ Nyɔmtsɛ ɔ je e he si tsɔɔ?”

La 59:4

A he sɔ, nɛ a dla kɛ wo ye he, pohu i pee we mɛ yayami ko. Tee si, ba piɛ ye he. Hyɛ kaa ye yi fi.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Hiob 9:13

Mawu mi mi fumi se pui. E he nyɛli ɔmɛ nɛ te si wo lɛ ɔ, e kpata a hɛ mi. Mɛ lɛ a ya piɛ wo mi lohwe ngua a nɛ a tsɛɛ lɛ Rahab ɔ he ɔ nɛ.

La 77:5

Ye juɛmi ya su blema lokoo, nɛ i kai jehahi nɛ be kɛ ho.

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Zakaria 10:11

Ke haomi yi bli kaa wo ɔ, imi Yawɛ nitsɛ ma jɔɔ oslɔke ɔmɛ a he ha mɛ. Nilo pa a tete, nyu maa ta mi. Asiria, he nɔ wolɔ ɔ, ma ba lɛ si, nɛ Egipt tsɛ yemi ɔ hu se maa po.

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 44:24

Mɛni he je o ngɔ o hɛ mi kɛ laa wɔ ɔ? Mɛni ba loko o hɛ je nɔ kaa a ngɛ wɔ yi mi wae, nɛ wa ngɛ nɔ́ nae ɔ?

La 89:11

O níhi ji hiɔwe ɔ kɛ zugba a tsuo; mo lɛ o bɔ je ɔ kɛ e mi níhi tsuo.

Mika 7:15

Yawɛ, moo pee nyakpɛ níhi ha wɔ, kaa bɔ nɛ o pee be ko benɛ o je wɔ kɛ je Egipt ɔ.

Ni Tsumi 7:7

Jamɛ a ma a nɛ a ma ya sɔmɔ ɔ, ma gbla a tue; nɛ lɔ ɔ se ɔ, o nina a maa je lejɛ ɔ, nɛ a ma ba ja mi ngɛ hiɛmɛ nɛ ɔ.’