Yesaya 51:8 - BAIBLO ALOO NGMAMI KLƆUKLƆU Ɔ

⁸ Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 51:8 ပူးပေါင်းရင်းမြစ်များ

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 50:9

Nyɔmtsɛ Yawɛ nitsɛ ngɛ ye kasa nya, mɛnɔ maa bu mi fɔ mɔ? Ye he nyɛli ɔmɛ tsuo maa laa, a hɛ mi ma kpata pɛsɛpɛsɛ kaa bo nɛ wɔyewɔye ye.

Luka 1:50

E naa nihi nɛ buɔ lɛ ɔ mɔbɔ yi nɔhi tsuo.

Hosea 5:12

Ma kpata Israel hɛ mi kaa bɔ nɛ wɔyewɔye yeɔ kuutu, nɛ Yuda ma a hu maa pee kaa nɔ́ sasɛ ko nɛ gbli kɛ fɔɔ si.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Hiob 13:28

I pee kaa tso nɛ sa, nɛ hule nɔ si, aloo bo nɛ wɔyewɔye ye.

Yesaya 14:11

Sa a, kpa sakuhi a kɛ laa kɛ woɔ o hɛ mi nyami; se jehanɛ lɛɛ o su gbeje. Wɔyewɔyehi ji sa nɛ o hwɔɔ si ngɛ nɔ, nɛ gɔgɔhi ji kuutu nɛ ha o nɔ.’

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yesaya 54:9

“Noa be ɔ mi ɔ, i wo si ko; i de ke i be hae nɛ nyu babauu ma ba ha zugba a nɔ hu. Amlɔ nɛ ɔ, i ngɛ mo si woe kaa ye mi mi be mo fue hu gblegbleegble.