Yesaya 51:7 - BAIBLO ALOO NGMAMI KLƆUKLƆU Ɔ

⁷ “Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Yesaya 51:7 ပူးပေါင်းရင်းမြစ်များ

La 37:31

E ngɔɔ e Mawu ɔ mlaa a kɛ toɔ e tsui mi, nɛ e si we se gblegbleegble.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 37:6

e ngɔ Yawɛ sɛ gbi nɛ ɔ mane lɛ ke, “Munyuhi nɛ nyɛ nu nɛ Asiria matsɛ tsɔli ɔmɛ ba tu kɛ pue ye hɛ mi si ɔ, nyɛ ko ye gbeye ngɛ he.

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

Mose V, 6:6

Mlaahi nɛ i ngɛ nyɛ woe mwɔnɛ ɔ, nyɛ hɛ nɛ hi a nɔ.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Hebribi 10:16

“Be ma nɛ i kɛ ye ma a maa so somi nɛ ɔ: Ma ngɔ ye mlaa kɛ to a tsui mi, nɛ ma ngma kɛ wo a juɛmi mi.”

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.

1 Petro 4:4

Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.