Yesaya 51:5 - BAIBLO ALOO NGMAMI KLƆUKLƆU Ɔ

⁵ Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

Yesaya 51:5 ပူးပေါင်းရင်းမြစ်များ

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Yoel 3:12

“Je ma amɛ, nyɛ he nɛ sɔ, nɛ nyɛɛ ba Kojomi kɔ̃ ɔ mi. Lejɛ ɔ nɛ imi, Yawɛ nitsɛ, ma ba kojo je ma amɛ tsuo nɛ pueɔ si ɔ ngɛ.

Yesaya 63:5

Benɛ i hyɛ ɔ, e pee mi nyakpɛ kaa nɔ ko nɔ ko bɛ nɛ e ba je ngmlaa ha mi. Se ye mi mi nɛ fu ɔ wo mi he wami, nɛ imi nɔ kake too i ye kunimi.

Yesaya 56:1

Bɔ nɛ Yawɛ ngɛ e ma a dee ji nɛ ɔ nɛ: “Nyɛɛ pee nɔ́ nɛ da, kɛ nɔ́ nɛ sa, ejakaa e be kɛe kulaa nɛ ma ba he nyɛ yi wami.

Yesaya 49:1

Nyɛ wo nya mahi, nyɛɛ bu tue, Nyɛ je mahi nɛ nyɛ ngɛ se lokoo, nyɛ ta tue! Yawɛ hla mi loko a fɔ mi. Benɛ i ngɛ ye nyɛ mi mi lokoo nɛ e wo ye biɛ ta.

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

La 85:9

Niinɛ, Mawu pee klaalo kɛ ma he nihi nɛ jaa lɛ ɔ a yi wami; konɛ hɛ mi nyami nɛ hi wa zugba a mi.

La 67:4

Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

Samuel I, 2:10

A ma kpata Yawɛ he nyɛli ɔmɛ a hɛ mi pɛsɛpɛsɛ; hiɔwe ma si wo mɛ. Yawɛ maa kojo je ɔ tsuo; e kɛ he wami ma ha e matsɛ ɔ, nɛ e ma ha matsɛ nɛ a pɔ lɛ nu ɔ maa ye kunimi.”

Mose V, 30:14

Dɛbi, e ngɛ nyɛ ngɔ hiɛmɛ nɛ ɔ. Nyɛ le, nɛ nyɛ ma nyɛ ma de, lɔ ɔ he ɔ, jehanɛ, ye nɔ.

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 24:15

nɛ nihi nɛ ngɛ beleku je ma je e yi. Nihi nɛ ngɛ wo nya je ɔ hu ma je Yawɛ, Israel Mawu ɔ yi.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Yesaya 33:2

Yawɛ, wa kpa mo pɛɛ, naa wɔ mɔbɔ. Wa ngɔ wa hɛ ngɔ fɔ o nɔ. Buu wa he be tsuaa be; nɛ ke wa ngɛ amanehlu nae ɔ, kpɔ wɔ.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yesaya 59:16

E pee lɛ nyakpɛ kaa nɔ ko nɔ ko be nɛ maa da mi ha ni nɛmɛ nɛ a ngɛ mɛ yi mi wae ɔ. Lɔ ɔ he ɔ, lɛ nitsɛ e he wami e kɛ ma he e ma a yi wami; nɛ e ma a maa ye kunimi.

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”