Yesaya 51:4 - BAIBLO ALOO NGMAMI KLƆUKLƆU Ɔ

⁴ “Ye ma, nyɛɛ bu mi tue, nyɛ ta tue ha nɔ́ nɛ i ngɛ dee ɔ. Ma ngɔ ye mlaa kɛ ha je ma amɛ; nɛ lɔ ɔ maa pee kaa la ha mɛ.

Yesaya 51:4 ပူးပေါင်းရင်းမြစ်များ

La 106:5

Ha nɛ ma na bɔ nɛ o ma mi bi ɔmɛ a he mi jɔ mɛ ha, konɛ bua jɔmi nɛ ba ma a mi ɔ, imi hu ma piɛ a he kɛ nya.

La 147:20

E pee we kikɛ nɛ ɔ ha we ma ko ma ko hyɛ, nɛ e mlaa amɛ hu, ma kpa ko li. Nyɛ je Yawɛ yi!

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

La 50:7

“Ye ma, nyɛ ta tue saminya, konɛ nyɛɛ nu nɔ́ nɛ ma de kɛ si nyɛ, Israel ma. Imi ji nyɛ Mawu ɔ nɛ.

La 78:1

Ye ma, nyɛɛ bu nɔ́ nɛ ma tsɔɔ nyɛ nɛ ɔ tue; nyɛɛ bu ye nya mi munyu ɔmɛ tue.

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Mose II, 33:13

Lɔ ɔ he ɔ, i kpa mo pɛɛ, ke niinɛ nɛ o ngɛ ye he bua jɔmi ɔ, lɛɛ moo tsɔɔ mi o blɔ ɔ, konɛ ma le mo saminya, nɛ ma pee o suɔmi nya ní. Mo kai hu kaa kikɛmɛ a nimli nɛ ɔmɛ ɔ, mo nitsɛ o ma ji mɛ.”

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Yesaya 1:27

Akɛnɛ dalɔ ji Yawɛ he je ɔ, e ma he Yerusalem yi wami, nɛ nɔ tsuaa nɔ nɛ ngɛ lejɛ ɔ nɛ ma tsake e tsui hu, a ma he e yi wami.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 26:2

Nyɛ bli agbo ɔmɛ, konɛ je ma amɛ nɛ peeɔ nɔ nɛ da, nɛ a yeɔ anɔkuale ɔ, a sɛ mi.

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

1 Korintobi 9:21

Jã kɛ̃ ngɛ ma je li a kpɛti ɔ, i peeɔ ye ní kaa ma je no, nɛ i yi Yuda mlaa a nɔ. I peeɔ enɛ ɔ, bɔ nɛ pee nɛ ye nine nɛ su ma je li ɔmɛ a nɔ. Se enɛ ɔ tsɔɔ we kaa i kɛ Mawu mlaa a be nɔ́ ko peemi. Dɛbi! Kristo mlaa a nɔ i yeɔ.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.