Yesaya 51:22 - BAIBLO ALOO NGMAMI KLƆUKLƆU Ɔ

²² Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yesaya 51:22 ပူးပေါင်းရင်းမြစ်များ

Yesaya 49:25

Yawɛ he nɔ ke, “Niinɛ, katsɛ ta yibu ní ɔ, a ma nyɛ kpɔ ngɛ e dɛ. Ke yiwutsotsɛ nu nɔ ko po, a ma nyɛ kpɔ lɛ ngɛ e dɛ. I kɛ ni nɛmɛ nɛ kɛ mo ngɛ pɛe ɔ ma ná, nɛ ma he o bimɛ ɔmɛ a yi wami.

Abɛ Womi 22:23

Yawɛ nitsɛ maa ye jamɛatsɛmɛ ɔmɛ a sane ha mɛ. Ke nɔ ko wo a susuma he gbeye ɔ, Yawɛ maa wo lɛ hu e susuma he gbeye ja nɔuu.

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

La 35:1

Yawɛ, nihi nɛ kɛ mi ná a, tee si kɛ wo mɛ. Nihi nɛ kɛ mi ngɛ hwue ɔ, o kɛ mɛ nɛ hwu.

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Yoel 3:2

Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.

Ezekiel 39:29

Ma ngɔ ye mumi kɛ pue Israel ma a nɔ, nɛ i be mɛ kuae hu. Imi, Nyɔmtsɛ Yawɛ lɛ i de.”

Yeremia 51:36

Lɔ ɔ he ɔ, bɔ nɛ Yawɛ de Israel bi ɔmɛ ji nɛ ɔ nɛ: “Ma ye nyɛ sane ɔ ha nyɛ, nɛ ma gbla nyɛ he nyɛli ɔmɛ a tue ha nyɛ. Ma ha nɛ Babilonia wo ɔ, kɛ pa amɛ ma gbli.

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

Yesaya 3:12

Jokuɛwi lɛ ngɛ ye ma a haoe, nɛ yihi lɛ ngɛ a nɔ yee. Ye ma, o nɔ hyɛli ɔmɛ haa o tlaa blɔ, nɛ a tɔ̃tɔ̃ɔ̃ o nane.

Yesaya 3:13

Yawɛ pee klaalo kaa e maa jaje e sane ɔ; e pee klaalo kaa e maa kojo e ma a.

Yeremia 25:15

Yawɛ, Israel Mawu ɔ de mi ke, “O nɛ wai kplu nɛ ye mi mi la hyi lɛ tɔ. Ngɔɔ kɛ ya ha je mahi tsuo nɛ ma tsɔ mo a ngɔ ɔ nɛ a nu.

Obadia 1:16

“Ye we bi ɔmɛ na nɔ ngɛ yo klɔuklɔu ɔ nɔ. Se je ma amɛ nɛ bɔle mɛ ɔ, maa na nɔ kulaa pe mɛ, nɛ a maa ta zugba a nɔ.” Mawu lɛ de.

Zakaria 12:2

“Hyɛ, ma ha Yerusalem maa pee kaa kplu kɛ e mi duɔ ha je ma amɛ tsuo nɛ bɔle lɛ ɔ. Ke he nyɛli ba sá Yerusalem yi ɔ, a ma sá Yuda zugba a hu yi ja nɔuu.

Yesaya 29:9

Nyɛɛ ya nɔ nɛ nyɛɛ hi biɛe, nɛ nyɛɛ pee nyɛ he nihi nɛ li nɔ́! Nyɛɛ pee nyɛ he hɛ yuyuili! Nyɛɛ pee nyɛ he dã tɔli, be mi nɛ nyɛ nui wai ko! Nyɛ tataa si kaa dã tɔli, be mi nɛ nyɛ nui dã nɛ nya wa ko!

Kɔmɔ Yemi 3:15

E ha nɛ i na amanehlu nɛ nya wa. Ye we amanehlu ɔ ngɛ kaa agba ngɛ ye nya mi.

Kɔmɔ Yemi 3:58

“Nyɔmtsɛ, mo lɛ o je ngmlaa ha mi. Mo lɛ o he ye yi wami.