Yesaya 51:18 - BAIBLO ALOO NGMAMI KLƆUKLƆU Ɔ

¹⁸ Nɔ ko nɔ ko be o bimɛ ɔmɛ a kpɛti nɛ maa tsɔɔ mo blɔ; nɔ ko nɔ ko be bimɛ ɔmɛ tsuo nɛ o tsɔse ɔ a kpɛti nɛ maa ta o dɛ mi kɛ nyɛɛ.

Yesaya 51:18 ပူးပေါင်းရင်းမြစ်များ

Yesaya 49:21

Kɛkɛ ɔ, o ma bi o he ke, ‘Mɛnɔ lɛ fɔ bimɛ nɛ ɔmɛ ha mi? Nihi gbo ta ye he; i plɛ pee nɔ ko nɛ fɔ we, a nu mi kɛ ho ma se ya. Hyɛ, a si imi nɔ kake too, lɛɛ jije lɛ nimli nɛ ɔmɛ je mɔ? Mɛnɔ nɛ lɛ mɛ?’ ”

La 88:18

O ha nɛ ye huɛmɛ kpakpahi tsuo kua mi, nɛ diblii ba pee ye huɛ.

Marko 8:23

Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

Ni Tsumi 13:11

Hyɛ, Nyɔmtsɛ ɔ ma je e he wami kpo kɛ tsɔɔ mo jehanɛ; o hɛ ma yu; o be pu la nae kɛ maa su be ko!” Amlɔ nɔuu ɔ, Elima hɛngmɛ nɔ wo afua, nɛ e pee kpii. Kɛkɛ nɛ e bɔni si tataami ngɛ nɔ ko hlae nɛ maa ta e dɛ mi nɛ e tsɔɔ lɛ blɔ.

Ni Tsumi 9:8

Saulo te si, nɛ e bli e hɛngmɛ, se e hyɛ we nɔ́. Lɔ ɔ he ɔ, a nu e nine si kɛ ya Damasko.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Hiob 8:20

Nɔ nɛ peeɔ nɔ́ nɛ da a, Mawu be lɛ kuae. Mawu be nimli yayamihi a he piɛe kɔkɔɔkɔ.

Yesaya 54:11

Yawɛ ke, “Yerusalem, ma nɛ na amanehlu, mo nɛ nɔ ko piɛ we o he nɛ e wo mo bua. Ma ngɔ tɛhi nɛ a he jua wa kɛ fia o sisi tomi ɔ ekohu.

Yeremia 10:20

Wa bo tsu ɔmɛ puɛ; kpahi nɛ fi mɛ ɔ tsɔ. Wa bimɛ ɔmɛ tsuo je wa he; nɔ ko nɔ ko be nɛ maa ngɔ wa bo tsu ɔmɛ kɛ ma si ekohu ha wɔ; nɔ ko nɔ ko be nɛ maa ngɔ bo ɔmɛ kɛ kpla bo tsu ɔmɛ a he ekohu.”

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

Ezekiel 34:6

Lɔ ɔ he ɔ, ye to ɔmɛ wo lalaalo kɛ ya gu yo ɔmɛ, kɛ yokuhi nɛ ya hiɔwe tsuo a nɔ. A gbɛ mɛ fĩa je ɔ mi he tsuaa he. Nɔ ko nɔ ko be nɛ dii a se, loo e hlaa mɛ.