Yesaya 51:17 - BAIBLO ALOO NGMAMI KLƆUKLƆU Ɔ

¹⁷ Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yesaya 51:17 ပူးပေါင်းရင်းမြစ်များ

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

Hiob 21:20

Ha nɛ yayami peeli ɔmɛ nitsɛmɛ nɛ a ná a tue gblami ɔ. Ha nɛ Mawu Ope ɔ we abofu ɔ nɛ kple mɛ nitsɛmɛ a nɔ.

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Zakaria 12:2

“Hyɛ, ma ha Yerusalem maa pee kaa kplu kɛ e mi duɔ ha je ma amɛ tsuo nɛ bɔle lɛ ɔ. Ke he nyɛli ba sá Yerusalem yi ɔ, a ma sá Yuda zugba a hu yi ja nɔuu.

La 75:8

Yawɛ hɛɛ kplu ko ngɛ e dɛ mi, nɛ dã kpakpa nɛ nya wa hyi lɛ tɔ. E maa po dã nɛ ɔ ha nimli yayamihi tsuo, nɛ a maa hi nue hluu kɛ yaa si dã a sisi tɔɔ.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

Manyadali 5:12

Wo o he nɔ, Debora, wo o he nɔ! Wo o he nɔ, wo o he nɔ nɛ o la! Abinoam binyumu Barak, tee si nɛ o kpaka o nyɔguɛ ɔmɛ kɛ ho!

Mose V, 28:34

Hɛdo ní nɛ nyɛ maa na a, ma ha nyɛ maa fo godo.

Mose V, 28:28

Yawɛ ma ha nyɛ maa fo godo, nyɛ hɛngmɛhi ma yu, nɛ nyɛ juɛmi maa pee basaa.

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

Yesaya 29:9

Nyɛɛ ya nɔ nɛ nyɛɛ hi biɛe, nɛ nyɛɛ pee nyɛ he nihi nɛ li nɔ́! Nyɛɛ pee nyɛ he hɛ yuyuili! Nyɛɛ pee nyɛ he dã tɔli, be mi nɛ nyɛ nui wai ko! Nyɛ tataa si kaa dã tɔli, be mi nɛ nyɛ nui dã nɛ nya wa ko!

Yesaya 51:21

Lɔ ɔ he ɔ, Yerusalem, o bimɛ ɔmɛ a ní pee mɔbɔ, nɛ a ngɛ si tataae kaa nihi nɛ tɔ dã.

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yesaya 63:6

I kɛ mi mi la naa je ma amɛ a nɔ basabasa, nɛ i gbɛ mɛ ngɔ fĩa. I tsɛ̃ a muɔ ngɔ pue zugba.”

Yeremia 13:13

Jehanɛ, de mɛ ke imi Yawɛ, ma ha nihi tsuo nɛ ngɛ zugba nɛ ɔ nɔ, matsɛmɛ ɔmɛ nɛ ji David nina a, osɔfo ɔmɛ, gbali ɔmɛ, kɛ Yerusalem bi ɔmɛ tsuo dã nɛ a nu kɛ yaa si a maa de kpɔtɔɔ.

Yeremia 25:18

Yerusalem bi, nihi nɛ ngɛ Yuda ma amɛ tsuo a mi, matsɛmɛ ɔmɛ, kɛ ma nimeli ɔmɛ tsuo pɛpɛɛpɛ nu. Nɛ kɛ je jamɛ a ligbi ɔ kɛ ba si mwɔnɛ ligbi nɛ ɔ, a hɛ mi kpata pɛsɛpɛsɛ; a plɛ pee he fɛu yemi nɔ́, kɛ gbiɛmi.

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

La 60:5

Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, konɛ ma nɛ mo nitsɛ o suɔ ɔ yi nɛ na wami.

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”