Yesaya 51:16 - BAIBLO ALOO NGMAMI KLƆUKLƆU Ɔ

¹⁶ Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

Yesaya 51:16 ပူးပေါင်းရင်းမြစ်များ

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yesaya 49:2

E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yesaya 66:22

“Bɔ nɛ zugba he, kɛ hiɔwe he nɛ ma pee ɔ maa hi si daa ngɛ ye he wami nya a, ja nyɛ nina, kɛ nyɛ biɛ tsuo maa hi si.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

2 Petro 3:13

Se wa ngɛ hiɔwe he, kɛ zugba he blɔ hyɛe kaa bɔ nɛ Mawu wo si ɔ. Lejɛ ɔ ji he nɛ a yeɔ dami sane ngɛ.

Yesaya 65:17

Yawɛ ke, “I ngɛ hiɔwe he, kɛ zugba he bɔe; nɛ a be blema ní ɔmɛ kaie hu; hɛ maa je a nɔ pɛsɛpɛsɛ.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Mose II, 33:22

Ke be nɛ ye hɛ mi nyami ɔ bee ɔ, ma ngɔ mo ngɔ wo tɛ puɔ mi ngɛ tɛ sa nɛ ɔ mi. I kɛ ye nine maa ha o nɔ kɛ yaa si ma be.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 45:18

Yawɛ, nɔ nɛ bɔ hiɔwe kɛ zugba a, lɛ nɔ kake too ji Mawu! E bɔ je ɔ, nɛ e kɛ zugba a ma si saminya. E bɔɛ lɛ ngɔ fɔɛ si gu nɛ e pee yaka; se e pee lɛ konɛ nimli nɛ hi nɔ. Bɔ nɛ lɛ nitsɛ e ngɛ dee ji nɛ ɔ nɛ: “Imi ji Yawɛ; mawu kpa ko be hu.

La 75:3

Je ɔ kɛ e mi níhi tsuo ma mimiɛ; se imi ma ha je ɔ sisi tomi ɔmɛ maa ma si kpɛii.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.