Yesaya 51:13 - BAIBLO ALOO NGMAMI KLƆUKLƆU Ɔ

¹³ Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yesaya 51:13 ပူးပေါင်းရင်းမြစ်များ

Yesaya 45:12

Imi nɛ i bɔ je ɔ kɛ e mi nimli adesahi. I ngɔ ye he wami kɛ bli hiɔwe mi, nɛ i yeɔ pu, nyɔhiɔ, kɛ dodoe ɔmɛ tsuo a nɔ.

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

Daniel 3:19

Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Hiob 9:8

Benɛ Mawu maa gbla hiɔwe mi, nɛ e maa naa wo mi lohwe ngua a nɔ ɔ, nɔ ko piɛ we e he.

Kpojemi 20:9

A gbɛ fĩa je ɔ mi tsuo. Nɛ ma nɛ Mawu suɔ, nɛ ni klɔuklɔu ɔmɛ pueɔ si ngɛ lejɛ ɔ, a ya sa e yi. Se la je hiɔwe ba kpata a hɛ mi.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Hebribi 11:15

Ma mi he nɛ a je ɔ, a ngɛ he susue jinɛ a ko na he blɔ nɛ a kpale kɛ ho lejɛ ɔ ya.

1 Korintobi 15:55

Mo gbenɔ, jije o kɛɛ ɔ ngɛ? Mo gbeje, jije o kunimi yemi ɔ ngɛ?

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Yeremia 51:15

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Yesaya 16:4

Nyɛɛ baa wa yi, nyɛ ha waa hi nyɛ ngɔ, nɛ nyɛ ko ngɔ wɔ kɛ wo nihi nɛ ngɛ hlae nɛ a kpata wa hɛ mi ɔ a dɛ mi.” Yi mi wami, kɛ hɛ mi kpatami se maa po, nɛ ni nɛmɛ nɛ a ngɛ zugba a hɛ mi kpatae ɔ be si hie hu.

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Hiob 37:18

Hiɔwe ɔ nɛ he wa kpakpataa kaa ahuhuɛ nɛ a sile, nɛ a puɛ ngɔ ma si ɔ, anɛ o ma nyɛ maa gbla mi kaa bɔ nɛ lɛ Mawu ɔ, e pee ɔ lo?

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Mose V, 32:18

A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Mose V, 8:11

“Nyɛɛ hyɛ nɛ hi nɛ nyɛ hɛ ko je Yawɛ, nyɛ Mawu ɔ nɔ. Nyɛ hɛ nɛ hi mlaa amɛ nɛ i ngɛ nyɛ woe mwɔnɛ ɔ a nɔ, nɛ nyɛɛ ye a nɔ.

Yesaya 9:4

Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

Yesaya 10:24

Lɔ ɔ he ɔ, bɔ nɛ Nyɔmtsɛ Yawɛ Tabohiatsɛ ɔ ngɛ e ma nɛ ngɛ Zion ɔ dee ji nɛ ɔ nɛ: “Nyɛ ko ye Asiria bi ɔmɛ gbeye; ke kaa a ngɛ nyɛ yi mi wae kaa bɔ nɛ Egipt bi ɔmɛ pee be ko ɔ po, nyɛ ko ye mɛ gbeye.

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 40:21

Bɔ nɛ a plɛ kɛ to je ɔ sisi ɔ, anɛ nyɛ li lo? Anɛ nyɛ nui hyɛ lo? Anɛ a de we nyɛ enɛ ɔ kɛ je blema lokoo lo?

Yesaya 45:18

Yawɛ, nɔ nɛ bɔ hiɔwe kɛ zugba a, lɛ nɔ kake too ji Mawu! E bɔ je ɔ, nɛ e kɛ zugba a ma si saminya. E bɔɛ lɛ ngɔ fɔɛ si gu nɛ e pee yaka; se e pee lɛ konɛ nimli nɛ hi nɔ. Bɔ nɛ lɛ nitsɛ e ngɛ dee ji nɛ ɔ nɛ: “Imi ji Yawɛ; mawu kpa ko be hu.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yeremia 38:19

Se Matsɛ Zedekia de mi ke, “Wa nyɛmimɛ Hebri bi ɔmɛ nɛ tu fo kɛ ya piɛ Babilonia bi ɔmɛ a he ɔ, i ngɛ gbeye yee kaa a maa ngɔ mi kɛ wo mɛ mohu a dɛ, nɛ a maa pee mi basabasa.”

Daniel 3:18

Se ke wa Mawu ɔ nyɛ we nɛ e he wa yi wami tete po, nɛnɛ, na nɛ o le kaa o mawu ɔmɛ lɛɛ wa be jae oo wa be jae! Sika tsu amaga a nɛ o puɛ ngɔ ma si ɔ hu, wa be si kplae ha lɛ!”

La 106:13

Se e kɛ we kulaa nɛ a hɛ je níhi tsuo nɛ e pee ha mɛ ɔ nɔ; nɛ a bui e ga womi tue hu.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.