Yesaya 51:12 - BAIBLO ALOO NGMAMI KLƆUKLƆU Ɔ

¹² Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Yesaya 51:12 ပူးပေါင်းရင်းမြစ်များ

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Yohane 14:18

“I be nyɛ sie awusa; ma kpale kɛ ba nyɛ ngɔ.

Yesaya 66:13

Bɔ nɛ binyɛ haa e bi naa bua jɔmi ɔ, jã ma ha nyɛ bua maa jɔ nyɛ he ngɛ Yerusalem.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Abɛ Womi 29:26

Nihi babauu buɔ kaa a maa sa nɔ yelɔ hɛ mi; se Yawɛ pɛ ji nɔ nɛ yeɔ dami sane ha nɔ.

La 146:4

Ke nɔmlɔ gbo ɔ, e kpaleɔ kɛ yaa zu mi ekohu, jamɛ a ligbi ɔ nɔuu e yi mi tomi ɔmɛ tsuo a se poɔ.

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Matsɛmɛ II, 1:15

Yawɛ bɔfo ɔ de Eliya ke, “Kple si nɛ o kɛ lɛ nɛ ya; koo ye gbeye.” Kɛkɛ nɛ Eliya kɛ asafoatsɛ ɔ ho matsɛ ɔ ngɔ ya,

Yesaya 40:1

Bɔ nɛ wa Mawu ɔ ngɛ dee ji nɛ ɔ nɛ: “Nyɛɛ jɔɔ ye ma a bua! Ee, nyɛɛ jɔɔ ye ma a bua!

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Yeremia 38:19

Se Matsɛ Zedekia de mi ke, “Wa nyɛmimɛ Hebri bi ɔmɛ nɛ tu fo kɛ ya piɛ Babilonia bi ɔmɛ a he ɔ, i ngɛ gbeye yee kaa a maa ngɔ mi kɛ wo mɛ mohu a dɛ, nɛ a maa pee mi basabasa.”

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Samuel I, 17:11

Benɛ Saul kɛ Israel tsuo nu munyuhi nɛ Filisti no ɔ ngɛ tue ɔ, a ye gbeye wawɛɛ nitsɛ.

Samuel I, 21:13

Lɔ ɔ he ɔ, e tsake e ní peepee, nɛ e buá pee e he godotsɛ ngɛ a kpɛti. E maa ngma ní ngɛ matsɛ we agbo ɔmɛ a he, nɛ e maa la lada kɛ kpa e kpɛni he kpɔtɔɔ.

Yesaya 8:12

“Koo piɛ ni ɔmɛ a he kɛ to a ga amɛ, nɛ níhi nɛ mɛɛ a yee gbeye ɔ, koo ye gbeye.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 52:9

Nyɛ Yerusalem tsu kokoehi, nyɛ bua nɛ jɔ, nɛ nyɛ hwɔ lele! Ejakaa Yawɛ ma he e ma a yi wami, nɛ e maa jɔɔ e ma mi bi ɔmɛ a bua.

Yesaya 61:2

Yawɛ ke ma ya fiɛ ke be ko nɛ sa Yawɛ hɛ mi ma. Be nɛ Mawu maa gbla nihi a tue, kɛ kɔmɔ yeli a bua womi be ɔ su ta.