Yesaya 51:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Yesaya 51:1 ပူးပေါင်းရင်းမြစ်များ

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

La 94:15

A maa ye dami sane ngɛ kojomi he ɔmɛ ekohu; nɛ dali tsuo ma nya he.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Yesaya 48:12

Yawɛ ke, “Israel, ma nɛ imi nitsɛ i hla, nyɛɛ bu mi tue! Imi ji Mawu, kekleekle nɔ, kɛ nyagbe nɔ; imi nɔ kake too ji Mawu!

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Abɛ Womi 21:21

Nɔ nɛ yeɔ dami sane, nɛ e naa mɔbɔ ɔ, e se kɛɛ ngɛ je mi, nɛ a maa wo e hɛ mi nyami.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

Filipibi 3:13

Ye nyɛmimɛ nɛ i suɔ, anɔkuale mi ɔ, i ngɔɛ lɛ kaa ye nine su nɔ momo. Se mohu nɔ́ kake nɛ i peeɔ ji kaa níhi nɛ be ɔ, ma je hɛ ngɛ a nɔ, nɛ ma tiu níhi nɛ ngɛ hɛ mi ɔ.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

La 24:6

Nihi kaa kikɛ nɛ ɔ ji ni nɛmɛ nɛ hlaa Mawu se blɔ ɔ nɛ; mɛ lɛ a baa Yakob Mawu ɔ hɛ mi.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yesaya 51:4

“Ye ma, nyɛɛ bu mi tue, nyɛ ta tue ha nɔ́ nɛ i ngɛ dee ɔ. Ma ngɔ ye mlaa kɛ ha je ma amɛ; nɛ lɔ ɔ maa pee kaa la ha mɛ.

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Yesaya 65:10

Ye ma a mi bi nɛ hlaa ye se blɔ ɔ, Sharon nga a nɔ maa pee a to lɛmi he, nɛ Haomi kɔ̃ ɔ mi ji he nɛ a nahi maa jɔɔ a he ngɛ.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 15:4

Se benɛ haomi ba a nɔ ɔ, a kpale kɛ ba Yawɛ Israel Mawu ɔ ngɔ. A hla lɛ, nɛ a na lɛ.

Yesaya 48:1

Israel ma, Yuda nina, nyɛɛ bu nɔ́ nɛ ɔ tue; nyɛ nɛ nyɛ ngɔɔ Yawɛ biɛ kɛ kaa kita, nɛ nyɛ tsiɔ Israel Mawu ɔ ta ke nyɛ ngɛ lɛ jae, pi anɔkuale mi, se nya mi gu.