Yesaya 50:8 - BAIBLO ALOO NGMAMI KLƆUKLƆU Ɔ

⁸ Nɔ nɛ maa wo mi nguɔ ɔ ngɛ ye kasa nya. Mɛnɔ lɛ e kɛ mi ná a? É ba konɛ waa kpe! Mɛnɔ ji ye he nyɛlɔ ɔ? É hɛ lɛ kɛ ba ye ngɔ.

Yesaya 50:8 ပူးပေါင်းရင်းမြစ်များ

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.

Yesaya 41:1

Mawu ke, “Nyɛ, wo nya mahi, nyɛɛ pee dii, nɛ nyɛɛ bu mi tue! Nyɛ dla nyɛ he saminya, konɛ waa hyɛ sane ɔ mi! Nyɛɛ hɛ nyɛ kɛ ba, konɛ nyɛ ba je nyɛ nya, nɛ waa hyɛ nɔ nɛ nɔ́ da.

Yesaya 43:26

“Mo kai mi, konɛ waa hla mi. Moo jaje o sane ɔ koo, konɛ waa hyɛ nɔ nɛ nɔ́ da!

Yesaya 41:21

Yawɛ, Israel matsɛ ɔ ke, “Nyɛ je ma amɛ, nyɛɛ jaje nyɛ sane ɔ nɛ waa nu. Nyɛ je nyɛ we odase ɔmɛ kpo.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Mose V, 19:17

mɛ ni enyɔ ɔmɛ tsuo nɛ a ngɔ a sane ɔ kɛ ya he nɛ a jaa Mawu ngɛ ɔ, kɛ ya ha osɔfo ɔmɛ kɛ kojoli ɔmɛ nɛ a ngɛ ní tsue jamɛ a be ɔ.

Mose II, 22:9

“Ke na, loo teji, loo to, loo heha ní, loo nɔ́ kpa ko laa, nɛ nihi enyɔ ngɛ he plee ɔ, a ngɔ mɛ kɛ ba Mawu hɛ mi. A ti nɔ nɛ Mawu maa bu fɔ ɔ maa wo nɔ́ nɛ a ngɛ he plee ɔ he hiɔ ngwɔhe enyɔ kɛ ha nɔtsɛ ɔ.

Hiob 13:19

Mɛnɔ lɛ ma ye nya pomi ɔ? Mo Mawu lo? Ke ja a, lɛɛ ma pee dii nɛ ma gbo mohu.

La 119:151

Se Yawɛ, o ngɛ ye kasa nya haa, nɛ o mlaa amɛ tsuo maa si kpɛii.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.