Yesaya 50:7 - BAIBLO ALOO NGMAMI KLƆUKLƆU Ɔ

⁷ Se enɛ ɔmɛ tsuo pee we mi nɔ́ ko, ejakaa Nyɔmtsɛ Mawu ɔ piɛ ye he, nɛ zo gbi mi. Lɔ ɔ he ɔ, i nu ye tsui, nɛ i wlua mi, ejakaa i le kaa zo be mi gbee.

Yesaya 50:7 ပူးပေါင်းရင်းမြစ်များ

Hebribi 13:6

Lɛɛ nyɛ ha waa kɛ kã nɛ de ke, “Nyɔmtsɛ ɔ ji ye he piɛlɔ, i be gbeye yee. Mɛni adesa ma nyɛ maa pee mi?”

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

1 Petro 4:16

Se ke nyɛ ngɛ amanehlu nae kaa Kristo se nyɛɛli ɔ, zo ko pee nyɛ. Se mohu nyɛɛ wo Mawu hɛ mi nyami kaa a tsɛɛ nyɛ Kristo se nyɛɛli.

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Yesaya 50:9

Nyɔmtsɛ Yawɛ nitsɛ ngɛ ye kasa nya, mɛnɔ maa bu mi fɔ mɔ? Ye he nyɛli ɔmɛ tsuo maa laa, a hɛ mi ma kpata pɛsɛpɛsɛ kaa bo nɛ wɔyewɔye ye.

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Yesaya 29:22

Lɔ ɔ he ɔ, jehanɛ, bɔ nɛ Yawɛ, Israel Mawu ɔ nɛ he Abraham yi wami kɛ je amanehlu mi ɔ ngɛ dee ji nɛ ɔ nɛ: “Ye ma, zo be nyɛ gbee hu; a be nyɛ hɛ mi si puee hu.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

La 54:6

Ma je ye tsui mi faa ma sã bɔ ha mo Yawɛ; ejakaa e hi kaa ma pee ja kɛ na mo si.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”