Yesaya 50:6 - BAIBLO ALOO NGMAMI KLƆUKLƆU Ɔ

⁶ I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Yesaya 50:6 ပူးပေါင်းရင်းမြစ်များ

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Marko 15:19

Kɛkɛ nɛ a kɛ tso fia e yi mi, nɛ a su lada ngɔ pue e nɔ, nɛ a kpla si ha lɛ kaa pe a ngɛ lɛ jae.

Mateo 27:30

A su lada ngɔ pue e nɔ, nɛ a he tso ɔ ngɛ e dɛ nɛ a kɛ fia e yi mi.

Yesaya 53:5

A plaa lɛ ngɛ wa yayami ɔmɛ a he, a fiaa lɛ ní ngɛ wa tɔmi ɔmɛ a he, a gbla e tue, konɛ wa na he jɔmi, a wo e he pa, konɛ wɔɔ lɛɛ wa na tsami.

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Mateo 27:26

Kɛkɛ nɛ Pilato ngmɛɛ Baraba he ngɔ ha mɛ. Se Yesu ɔ lɛɛ e ha a fia lɛ kpa, nɛ lɔ ɔ se ɔ, e ngɔ lɛ ngɔ ha nɛ a ya sɛu lɛ.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Mose IV, 12:14

Se Yawɛ de Mose ke, “Ke Miriam tsɛ su lada pue e hɛ mi ɔ, anɛ e kɛ zo be e he lae ligbi kpaago lo? A je lɛ kɛ je sito he ɔ, nɛ a ya tsi e nya ligbi kpaago loko a ngɔ lɛ kɛ ba ekohu.”

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

Hiob 30:10

A hɛ mɛ kɛ je ye kasa nya; a hiee mi. Ke a hyɛ mi kɛkɛ a la lada pue ye nɔ.

La 69:7

Ejakaa o he ɔ, a ngɛ mi ahlua bɔe, nɛ zo gbe mi kpɔtɔɔ.

La 69:8

I plɛ pee nubwɔ ha ye nyɛmimɛ; i plɛ pee nɔ kpa ngɛ ye weku li a kpɛti.

La 129:3

A plaa ye se mi wawɛɛ, ye se mi pee kaa ngmɔ nɛ a kɛ kpakplaa hu.

Yesaya 53:7

“A wa lɛ yi mi, nɛ a pi lɛ; se e kpɛ we e kuɔ si! A kpaka lɛ kɛ ho kaa to bi nɛ a yaa gbe. Nɛ bɔ nɛ jijɔ peeɔ kpoo ngɛ e he bwɔmi salɔ hɛ mi ɔ, ja nɔuu e kpɛ we e kuɔ si.