Yesaya 5:8 - BAIBLO ALOO NGMAMI KLƆUKLƆU Ɔ

⁸ Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 5:8 ပူးပေါင်းရင်းမြစ်များ

Hiob 15:28

Jamɛ a nɔmlɔ ɔ ya ngɔ mahi, kɛ wehi nɛ nɔtsɛmɛ tu fo kɛ je a mi. Se a de to kaa ta ma kpata jamɛ a ma amɛ, kɛ we ɔmɛ a hɛ mi.

Hiob 20:21

Ke e ye ní ɔ, eko kulaa píɛ ngɛ se. Enɛ ɔ he je ɔ, ní nami ɔ se maa po.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

Ezekiel 11:15

“Nɔmlɔ adesa, nihi nɛ ngɛ Yerusalem ɔ, bɔ nɛ a ngɛ o nyɛmimɛ ɔmɛ, kɛ nihi tsuo nɛ a nuu kɛ ho ma se ya a dee ji nɛ ɔ nɛ: ‘Nyɛ je Yawɛ he kɛ ho se ya tsɔ. Wɔ ji nihi nɛ a ngɔ zugba a kɛ ha kaa wa weto ní.’

Ezekiel 33:24

“Nɔmlɔ adesa, nihi nɛ ngɛ ma doku ɔmɛ a mi ngɛ Israel zugba a nɔ ɔ deɔ mi ke, ‘Abraham ɔ nɛ a ngɔ zugba a tsuo ngɔ ha lɛ ɔ, nɔ kake too ji lɛ, se wɔɔ lɛɛ wa he hiɛ; lɔ ɔ he ɔ, zugba a, wɔ a kɛ ha kaa wa weto ní.’

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [