Yesaya 5:6 - BAIBLO ALOO NGMAMI KLƆUKLƆU Ɔ

⁶ Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Yesaya 5:6 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 8:35

“Ke o tsi hiɔmi nya ngɛ yayami ko nɛ o ma, Israel pee kɛ si mo he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Hiob 31:40

lɛɛ ngma nane mi ɔ, mio nɛ puɛ; akoko nane mi ɔ, nga nɛ puɛ. Hiob munyu ɔmɛ a nyagbe ji nɛ ɔ nɛ.

Abɛ Womi 24:31

Ngmɔ ɔmɛ a nɔ hɛ wawɛɛ nitsɛ; hu kɛ mio tso sɔuu. Tɛ gbogbo nɛ a fia kɛ bɔle ngmɔ ɔmɛ hu ku pueɔ si.

Yesaya 24:12

A ku gbogbo ɔmɛ dukuduku ngɔ pue si, nɛ ma a tsuo plɛ pee ma doku.

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Yesaya 32:10

Amlɔ nɛ ɔ, nyɛ ngɛ kpɔtɔɔ mi; se nyɛ na nyɛɛ le kaa jeha kake kɛ ligbi bɔɔ komɛ a se ɔ, nyɛ maa hao; ejakaa nyɛ be wai yiblii nae ma kpa hu.

Yesaya 49:19

“A kpata o zugba a hɛ mi; a pee o ma a butuu; se jehanɛ lɛɛ, nihi nɛ ma lejɛ ɔ himi ɔ, zugba a be mɛ sue hu. Nihi nɛ ba pee mo butuu ɔ maa je o he kɛ ya se lokoo.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Yesaya 7:19

A ma ba pue si ngɛ kɔ̃ voovoo ɔmɛ, kɛ tɛ puɔ ɔmɛ a mi, nɛ a maa ha si ngɛ mio tso ɔmɛ a sisi, kɛ lohwe lɛmi he ɔmɛ tsuo.

Yeremia 14:1

Sɛ gbi nɛ Yawɛ ha mi nɛ kɔɔ nyu hwɔ ɔ he ji nɛ ɔ nɛ:

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 25:11

Zugba nɛ ɔ tsuo hɛ mi ma kpata pɛsɛpɛsɛ, nɛ je ma nɛ ɔmɛ ma sɔmɔ Babilonia matsɛ ɔ jeha nyingmi kpaago.

Yeremia 45:4

“Se imi Yawɛ, nɔ́ nɛ i ma a, lɔ ɔ nɔuu i ngɛ kue ɔ nɛ; nɔ́ nɛ i du ɔ, lɔ ɔ i ngɛ hiae ɔ nɛ. Bɔ nɛ ma pee je ɔ tsuo ji nɛ ɔ nɛ.

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Yoel 1:7

A kpata wa wai tso ɔmɛ a hɛ mi, nɛ a kpe wa ngmɔkɔ tso ɔmɛ. A kpe toto ɔ ngɛ tso ɔmɛ a he kɛ ya si tso kɔni ɔmɛ a he pee futaa.

Amos 4:7

Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.