Yesaya 5:5 - BAIBLO ALOO NGMAMI KLƆUKLƆU Ɔ

⁵ “Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 5:5 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

La 89:40

Gbogbo nɛ a fia kɛ wo ma a he ɔ, o ku lɛ tsuo pue si, nɛ mɔ ɔmɛ plɛ pee ní kokoehi.

La 89:41

Nihi tsuo nɛ guu lejɛ ɔ, juɔ e níhi; e plɛ pee muɔ nɔ́ ha e he nihi po.

Abɛ Womi 24:31

Ngmɔ ɔmɛ a nɔ hɛ wawɛɛ nitsɛ; hu kɛ mio tso sɔuu. Tɛ gbogbo nɛ a fia kɛ bɔle ngmɔ ɔmɛ hu ku pueɔ si.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yesaya 28:3

Jamɛ a ma nimeli dã tɔli he nɔ woli ɔmɛ ɔ, a maa ba mɛ si kulaa.

Yesaya 32:10

Amlɔ nɛ ɔ, nyɛ ngɛ kpɔtɔɔ mi; se nyɛ na nyɛɛ le kaa jeha kake kɛ ligbi bɔɔ komɛ a se ɔ, nyɛ maa hao; ejakaa nyɛ be wai yiblii nae ma kpa hu.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 21:4

a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Yeremia 45:4

“Se imi Yawɛ, nɔ́ nɛ i ma a, lɔ ɔ nɔuu i ngɛ kue ɔ nɛ; nɔ́ nɛ i du ɔ, lɔ ɔ i ngɛ hiae ɔ nɛ. Bɔ nɛ ma pee je ɔ tsuo ji nɛ ɔ nɛ.

Kɔmɔ Yemi 1:15

“Nyɔmtsɛ ɔ kua ye ta buli katsɛmɛ ɔmɛ. E tsɔ tabo ko kɛ ba nɛ a ba kpata ye nihewi ɔmɛ a hɛ mi. Nyɔmtsɛ ɔ naa Yuda nɛ ngɛ kaa yomiyo ɔ nɔ kaa a ngaa wai ngɛ wai muɔ mi.

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Kɔmɔ Yemi 4:12

Je ma amɛ, kɛ a matsɛmɛ ɔmɛ tsuo a ti nɔ ko nɔ ko he we yi kaa he nyɛlɔ ko ma nyɛ ma tua Yerusalem, nɛ e ma nyɛ sɛ ma a agbo ɔmɛ a mi.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Hosea 2:12

E wai ngmɔ ɔmɛ, kɛ ngmɔkɔ ɔ nɛ e ke e pla amɛ lɛ a pee kɛ wo lɛ hiɔ ɔ; ee, ma kpata ní nɛ ɔmɛ tsuo a hɛ mi. Ngmɔ ɔ maa hɛ kaa hue, nɛ nga mi lohwehi maa ye e mi ní ɔ.

Hosea 2:14

Enɛ ɔ he ɔ, ma mlɔɔ e hɛ mi, nɛ ma ngɔ lɛ kɛ ya nga kplanaa a nɔ, nɛ i kɛ lɛ maa tu munyu ngɛ he jɔmi mi ngɛ lejɛ ɔ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Kpojemi 11:2

Se kue ɔ nɛ ngɛ sɔlemi we ɔ we agbo ɔ nya a lɛɛ ko susu. Si lɔ ɔ, ejakaa a ngɔ kɛ ha je ma amɛ, nɛ a ma si ako ngɛ ma klɔuklɔu ɔ mi nyɔhiɔ nyingmi eywiɛ kɛ enyɔ.