Yesaya 5:30 - BAIBLO ALOO NGMAMI KLƆUKLƆU Ɔ

³⁰ Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yesaya 5:30 ပူးပေါင်းရင်းမြစ်များ

Fiɛlɔ 12:2

Jamɛ a be ɔ, pu, nyɔhiɔ, kɛ dodoehi maa pee sulii ngɛ o hɛngmɛ mi. Daa nɛ ɔ, bɔku ɔmɛ maa pee kaa nɔ́ nɛ hiɔmi yaa nɛ.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yesaya 13:4

Nyɛɛ bu tue, a ngɛ hoo pee ngɛ yo ɔmɛ a nɔ; nihi babauu lɛ a ngɛ hoo pee nɛ ɔ nɛ. Niinɛ, je mahi, kɛ nɔ yemihi ngɛ a he nya buae. Yawɛ Tabohiatsɛ ɔ ngɛ e tabo ɔmɛ miae kɛ ha ta.

Yesaya 17:12

Je mahi nɛ a he wa ngɛ hoo pee kaa wo nɛ gli, nɛ oslɔke nguaa amɛ ngɛ kue bum bum kɛ ngɛ si puee.

Yesaya 30:6

Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Yesaya 59:9

Bɔ nɛ ma a ngɛ dee ji nɛ ɔ nɛ: “Jehanɛ lɛɛ wa na le nɔ́ he je nɛ Mawu je we wɔ kɛ ji nihi nɛ ngɛ wɔ yi mi wae ɔ a dɛ mi. Wa hyɛɛ blɔ kaa wa ma na la kɛ nyɛɛ, se wa ná we; diblii kpii mi mohu wa nyɛɛɔ;

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 30:5

“Wa nu gbi ko nɛ ngɛ pɛe, sawale kɛ gbeye, se pi tue mi jɔmi.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Yeremia 6:23

Nimli nɛ ɔmɛ ɔ, yiwutsotsɛmɛ ji mɛ; mɔbɔ nami kake too be a mi. A mia kɛ kɛ̃ɛ̃ kɛ akplɔ, nɛ a hi okpɔngɔhi a nɔ kɛ ma. Okpɔngɔ ɔmɛ a nane si ngɛ pɛe glɛi glɛi glɛi kaa wo nɛ gli. A ma nɛ a ba tua Yerusalem.”

Kɔmɔ Yemi 3:2

E tsɛ̃ mi ngɔ wo diblii kpii mi, nɛ la ko la ko be lejɛ ɔ.

Ezekiel 26:3

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji: Tiro, i kɛ mo ná. Ma ha je mahi babauu ma ba tua mo; a maa ba nɔtonɔto kaa bɔ nɛ wo oslɔkehi kuɔ kɛ baa wo dɔ mi.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Amos 5:18

Nyɛ nihi tsuo nɛ nyɛ ngɛ Yawɛ tue gblami ligbi ɔ blɔ hyɛe, nɛ e peeɔ nyɛ kaa be ɔ su ta, musu tloo nyɛ! Jamɛ a ligbi ɔ, haomi ji nɔ́ nɛ maa ba nyɛ nɔ kaa bɔ nɛ ahumi haa nɛ diblii woɔ piani katakata a, se pi manye.

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.