Yesaya 5:28 - BAIBLO ALOO NGMAMI KLƆUKLƆU Ɔ

²⁸ A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yesaya 5:28 ပူးပေါင်းရင်းမြစ်များ

La 45:5

O kɛ̃ɛ̃ mi bi ɔmɛ a nya ba; a guu o he nyɛli ɔmɛ a tsui mi kɛ yeɔ je ma amɛ a nɔ kunimi.

Nahum 3:2

Bu tue! Okpɔngɔ kpa amɛ ngɛ pɛe fioko, fioko! Tlɔɔke nane ɔmɛ a nya ngɛ pɛe kpata, kpata! Okpɔngɔ ɔmɛ ngɛ tue glɛi, glɛi, glɛi! Nɛ ta zugba lɛ ɔmɛ hu ngɛ si hɛe kplalala, kplalala!

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yeremia 5:16

A kɛ̃ɛ̃ tsɛ̃li ɔmɛ ɔ, ta buli katsɛmɛ sɔuu ji mɛ; a gbeɔ nɔ basabasa nɛ a hyɛ we a se.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

La 120:4

Nyɛ hɛɛ kɛ̃ɛ̃ mi bihi nɛ a nya ba, kɛ la ngu hɛuu kɛ ma kaa ta buli.

Manyadali 5:22

Kɛkɛ nɛ okpɔngɔ ɔmɛ tuu kɛ ba; a si a nane kokloto si.

Yesaya 13:18

A kɛ a kɛ̃ɛ̃ ɔmɛ maa gbe nihewi. Bimwɔwi ngɛ a nyɛmɛ a mi mi po, a be mɛ mɔbɔ nae, nɛ jokuɛwi hu, a be a he bee.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Ezekiel 26:11

Okpɔngɔ nɔ hili ɔmɛ kɛ a dɛ mi klaate maa wo okpɔngɔ ɔmɛ fo kɛ gu ma a gbɛjegbɛ ɔmɛ a nɔ. Nɔ ko nɔ ko be e he yee ngɛ a blɔ mi. A maa gbe nimli ɔmɛ tsuo; nɛ o titima amɛ nɛ a he wa a maa nɔɔ si.

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.