Yesaya 5:27 - BAIBLO ALOO NGMAMI KLƆUKLƆU Ɔ

²⁷ Pɔ tɔɛ a ti nɔ ko nɔ ko he, nɛ nɔ ko nɔ ko hu tɛ we si. A di kɔnɛɛ, nɛ a hwɔ we mahe. A mlɛ mi fimi níhi gbɔle we, nɛ a nane tokota kpa amɛ hu tsɔ we.

Yesaya 5:27 ပူးပေါင်းရင်းမြစ်များ

Hiob 12:18

E kpaa matsɛmɛ, nɛ e haa nɛ a plɛɔ peeɔ pamitsɛmɛ.

Hiob 12:21

E pueɔ ganɔhi a hɛ mi si, nɛ e haa a he wami ɔ se poɔ.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Yesaya 45:5

“Imi ji Yawɛ; ye se ɔ, mawu kpa ko be hu. O li mi lɛɛ, se he wami nɛ hia mo ɔ, i ngɔ ha mo.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 18:32

Lɛ ji Mawu nɛ haa mi he wami; lɛ nɛ haa ye blɔ daa mi.

Matsɛmɛ I, 2:5

“Jehanɛ se hu, o kai nɔ́ nɛ Yoab pee mi ɔ; bɔ nɛ e gbe Israel tatsɛmɛ enyɔ, nɛ ji Ner binyumu Abner, kɛ Yeter binyumu Amasa. O kai bɔ nɛ e gbe mɛ ngɛ tue mi jɔmi be mi kɛ to nihi nɛ mɛɛ lɛɛ a gbe ngɛ ta be mi ɔ a nya a. E pue nihi nɛ pee we yayami ko ɔ a muɔ si, nɛ nɔ́ nɛ ɔ ba pee tlomi kɛ ha imi mohu, nɛ i ngɛ nɔ́ nae ngɛ he.

Mose V, 32:25

Ta ma kpata nihi a hɛ mi ngɛ gbɛjegbɛ ɔmɛ a nɔ, nɛ sawale maa nu nihi ngɛ a we ɔmɛ a mi. Nihewi kɛ yihewi ma gbo; bimwɔwi kɛ nyumu nikɔtɔmahi hu be a he yee.

Mateo 3:4

Yohane ɔ, afukpɔngɔ he womi a kɛ lo e tade; lohwe he womi kpa fi e mlɛ mi, nɛ e niye ní ji baalɛ kɛ nga nɔ hwo.

Abɛ Womi 3:23

Kɛkɛ ɔ, o maa nyɛɛ tɛɛ ngɛ he jɔmi mi, nɛ o be nɔ́ tɛe.