Yesaya 5:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 5:24 ပူးပေါင်းရင်းမြစ်များ

Yesaya 30:12

Se bɔ nɛ Israel Mawu klɔuklɔu ɔ ngɛ dee ji nɛ ɔ nɛ: “Nyɛ bui nɔ́ nɛ i ngɛ nyɛ dee ɔ, nɛ nyɛ ngɔ nyɛ hɛ ngɔ fɔ basabasa peemi, kɛ sisimi nɔ.

Hiob 18:16

E sipoku ma gbli ngɛ e sisi, nɛ e kɔnihi maa ylɔ.

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Yoel 2:5

A maa tuu ngɛ yo ɔmɛ a nɔ, nɛ a nane si maa hi pɛe kaa ta zugba lɛhi; nɛ ke a ngɛ ní kpee ɔ, e maa pɛ kaa nga nɛ ngɛ sãe. A maa to slɛnɛɛ kaa tabo ngua ko nɛ gba ta kɛ ma.

Yesaya 47:14

“A maa pee kaa nga gbigbli, nɛ la maa sã mɛ! A be nyɛe ma he mɛ nitsɛmɛ a yi wami; la lilɛ ɔmɛ maa sã mɛ. Pi la kulɔɔ nɛ a hluiɔ ji nɛ ɔ; pi la nɛ a hii he.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Mose II, 15:7

O kɛ o we agboje tsɛ̃ o he nyɛli ɔmɛ kɛ pue si. Nɛ o mi mi la a tso gegeege nɛ e sã mɛ kaa dwɔmi.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Ni Tsumi 13:41

‘Nyɛ Mawu munyu he guɛ gbeli, nyɛɛ bu tue. Nyɛ ha nɛ e pee nyɛ nyakpɛ, nɛ nyɛ hɛ mi nɛ kpata! Ejakaa nɔ́ nɛ i ngɛ pee ngɛ nyɛ yi nɔ nɛ ɔ, ke nɔ ko tsɔɔ nyɛ sisi po nyɛ be hee maa ye kɔkɔɔkɔ.’ ”

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Luka 7:30

Se Farisi bi ɔmɛ, kɛ mlaa tsɔɔli ɔmɛ lɛɛ a kua Mawu blɔ nya tomi kɛ ha mɛ ɔ nɛ a kplɛɛ we nɛ e sɔle mɛ.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Hosea 9:16

Israel ma a, musu tloo mɛ pɛ; a ngɛ kaa tso nɛ e sipoku gbli, nɛ e wui yiblii. A be fɔe; nɛ ke a fɔ tete po, bimɛ ɔmɛ nɛ a suɔ saminya a, ma kpata a hɛ mi.”

Hosea 5:12

Ma kpata Israel hɛ mi kaa bɔ nɛ wɔyewɔye yeɔ kuutu, nɛ Yuda ma a hu maa pee kaa nɔ́ sasɛ ko nɛ gbli kɛ fɔɔ si.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

La 50:17

O sume tsɔsemi, nɛ ye munyu hu o sake ngɔ fɔ o tue se.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Samuel I, 15:26

Se Samuel de Saul ke, “I kɛ mo be yae; o bui Yawɛ fami ɔ tue, lɔ ɔ he ɔ, lɛ hu e kua mo kaa matsɛ ngɛ Israel.”

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Matsɛmɛ II, 19:22

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ nɛ o wo nya nɔ ngɛ ɔ? Mɛnɔ o bui ɔ? Pi Israel Mawu klɔuklɔu ɔ lo?

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yesaya 24:6

Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Mose II, 5:12

Lɔ ɔ he ɔ, ma a gbɛ fĩa Egipt zugba a tsuo nɔ nɛ a ya ngɛ go nya buae nɛ a kɛ pee nga kɛ ha bliikisi ɔ sami.

Mose V, 28:24

Yawɛ ma ha bunyuku, kɛ zia maa je hiɔwe kɛ ba pue nyɛ nɔ kɛ yaa si nyɛ hɛ mi ma kpata.

Hiob 8:17

A sipoku ɔmɛ ngɔɔ a he ya blaa tɛ sahi, nɛ a mɛtɛɛ tɛ sa amɛ a he.

Ezekiel 15:6

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Bɔ nɛ i haa la sãã wai tso pɛsɛpɛsɛ ngɛ hue mi ɔ, ja ma ha la ma kpata Yerusalem bi ɔmɛ a hɛ mi.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.