Yesaya 5:23 - BAIBLO ALOO NGMAMI KLƆUKLƆU Ɔ

²³ Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Yesaya 5:23 ပူးပေါင်းရင်းမြစ်များ

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.

Abɛ Womi 17:15

Nɔ nɛ woɔ yayami peelɔ nguɔ, kɛ nɔ nɛ buɔ dalɔ fɔ ɔ, Yawɛ hiɔ mɛ tsuo.

La 94:21

A soɔ dali a yi nɔ, nɛ nihi nɛ pee we nɔ́ ko ɔ, a buu mɛ gbenɔ fɔ.

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Abɛ Womi 24:24

Nɔ nɛ ma de yayami peelɔ ke e ye nguɔ ɔ, nihi tsuo maa gbiɛ lɛ, nɛ a maa nyɛ lɛ.

Abɛ Womi 17:23

Yiwutsotsɛ heɔ nyɔ mi ní ngɛ laami mi nɛ́ e kɛ plɛ dami sane hɛ mi ngɔ bu si.

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Yesaya 10:1

Musu tloo nyɛ! Nyɛ nɛ nyɛ woɔ mlaahi nɛ dɛ, nɛ nyɛ ngmaa mlaahi nɛ nyɛ kɛ waa ye ma a yi mi.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yesaya 59:15

Nɔ ko nɔ ko yi anɔkuale hu; nɔ nɛ yuɔ e he kɛ jeɔ yayami he ɔ, a haoɔ lɛ kaa lɛ mohu ji yayami peelɔ.” Yawɛ na nɔ́ nɛ ɔ, nɛ e ngɔɛ e nya kaa a yi dami sane.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.