Yesaya 5:22 - BAIBLO ALOO NGMAMI KLƆUKLƆU Ɔ

²² Musu tloo nyɛ! Nyɛ nihi nɛ nyɛ peeɔ kã ngɛ dã tɔmi he! Ke e su dã nɛ nya wa futumi nɔ ɔ, kɛkɛ nyɛ he mi wa nyɛ.

Yesaya 5:22 ပူးပေါင်းရင်းမြစ်များ

Yesaya 5:11

Musu tloo nyɛ! Nyɛ tee si makɛ mla, kɛkɛ nyɛ bɔni dã numi, nɛ gbɔkuɛ hu nyɛ hii si be fuu kɛ tɔɔ dã kpɔtɔɔ.

Habakuk 2:15

Mo nɛ o kɛ hɛdɔ wa o nyɛmimɛ yi mi, nɛ o pue a hɛ mi si, nɛ o ha a tataa si kaa nihi nɛ a tɔ dã a, musu tloo mo!

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Mose II, 23:8

Ko he nyɔ mi ní; ejakaa nyɔ mi ní hemi yuɔ tsɔli a hɛngmɛ, nɛ a plɛɔ dali a sane hɛ mi ngɔ buɔ si.

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Abɛ Womi 23:29

Mɛnɔ naa nɔ́? Mɛnɔ haoɔ? Mɛnɔ kɛ nihi naa pɛ? Mɛnɔ hii kɔmɔ yee? Mɛnɔ naa pá ngɛ e he yaka gu? Mɛnɔ hɛngmɛhi peeɔ tsutsuutsu kɔlukɔlu?

Abɛ Womi 31:4

Lemuel lee, anɔkuale mi ɔ, e sɛ matsɛmɛ, kɛ ma nɔ yeli kaa a nu wai, loo dã nɛ nya wa.

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

Yesaya 24:9

Nihi pa nui wai nɛ a la kɛ to he hu; dã nɛ nya wa dooɔ ngɛ a nya mi.

Matsɛmɛ I, 20:16

Piani ɔ, a hia ta. Jamɛ a be ɔ, Benhadad, kɛ matsɛmɛ nyingmi etɛ kɛ enyɔ kpa amɛ nu dã nɛ a tɔ kpɔtɔɔ ngɛ a bo tsu ɔmɛ a mi.

Abɛ Womi 31:5

Ke a nu dã a, a hɛ maa je mlaa a nɔ, nɛ a ma plɛ nɔ́ nali a sane hɛ mi kɛ bu si.