Yesaya 5:20 - BAIBLO ALOO NGMAMI KLƆUKLƆU Ɔ

²⁰ Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

Yesaya 5:20 ပူးပေါင်းရင်းမြစ်များ

Abɛ Womi 17:15

Nɔ nɛ woɔ yayami peelɔ nguɔ, kɛ nɔ nɛ buɔ dalɔ fɔ ɔ, Yawɛ hiɔ mɛ tsuo.

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Hiob 17:12

Se ye huɛmɛ ɔmɛ ngɔɔ nyɔ kɛ peeɔ piani. La a nɛ a ngɛ dee ɔ hu ngɛ kaa diblii.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Amos 5:7

“Nyɛ ni nɛmɛ nɛ nyɛ plɛɔ dami sane hɛ mi ngɔ buɔ si, nɛ nyɛ sisiɔ nihi, musu tloo nyɛ!”

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Yesaya 24:9

Nihi pa nui wai nɛ a la kɛ to he hu; dã nɛ nya wa dooɔ ngɛ a nya mi.

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Habakuk 1:4

Mlaa a he wami ɔ ta, nɛ dami sane yemi be hu; yayami peeli ye dali a nɔ, nɛ daa nɛ ɔ, a plɛ dami sane yemi hɛ mi ngɔ bu si.

Mose II, 23:7

Koo po sane ngɔ fɔ nɔ nɔ, nɛ nɔ nɛ pee we nɔ́ yaya ko ɔ, koo gbe lɛ; ejakaa nɔ nɛ peeɔ yayami kaa kikɛ nɛ ɔ, i kɛ e he be lɛ kee.

Mose V, 25:1

“Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.

Abɛ Womi 4:17

Yayami peemi ji abolo nɛ a yeɔ, nɛ basabasa ji wai nɛ a nuɔ.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Mika 3:2

se nyɛ nyɛɛ nɔ́ kpakpa, nɛ nyɛ suɔ yayami mohu. Nyɛ kpɔɔ ye ma mi bi ɔmɛ a he womi hɛ ngmengmle kɛ jeɔ a wuhi a he.