Yesaya 5:14 - BAIBLO ALOO NGMAMI KLƆUKLƆU Ɔ

¹⁴ Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Yesaya 5:14 ပူးပေါင်းရင်းမြစ်များ

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Habakuk 2:5

Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.

Abɛ Womi 30:16

Ni gbogboehi a je, yo nɛ be bi, zugba nɛ hiɔmi nɛ́ ngɛ nɔ, kɛ la nɛ ngɛ tsoe nɛ nine kpi he.

Mateo 7:13

“Nyɛɛ sɛ agbo tokofii ɔ mi, ejakaa agbo nɛ kɛ nɔ yaa hɛ mi kpatami mi ɔ mi bli. Blɔ nɛ yaa lejɛ ɔ hu ngɛ gbajaa, nɛ nihi babauu nyɛɛɔ nɔ kɛ sɛɛ mi.

Abɛ Womi 27:20

Nɔmlɔ adesa hɛngmɛ tɔɛ gblee kɛ nɔ́ hyɛmi, kaa bɔ nɛ gbenɔ hii nɔ hɛ mi kpatae kpamisa nɛ e kpa we ɔ.

La 55:15

Ha nɛ ye he nyɛli ɔmɛ nɛ a gbo tlukaa; ha nɛ a hi a nane nya kɛ ya gbeje! Ejakaa yayami ngɛ a we ɔmɛ a mi, kɛ a tsui mi.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 14:9

“Babilonia matsɛ, gbeje pee klaalo nɛ e ma he mo atuu. Ni nguahi nɛ hi je mi hyɛ ɔ a kpade ɔmɛ ngɛ si poe. Matsɛmɛ ɔmɛ a kpade ɔmɛ ngɛ si tee ngɛ a matsɛ sɛ ɔmɛ a nɔ.

Luka 17:27

A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

Yesaya 21:4

E pee mi kaa ye hɛ mi ngɛ mi tsitsɛɛe, nɛ ye he ngɛ doe blibliibli kɛ sawale. Jinɛ i ngɛ blɔ hyɛe kaa du nɛ bu mla, se gbeye níhi mohu nɛ je mi kɛ ba.

Abɛ Womi 1:12

Waa mii mɛ hɛ ngmengmle kaa a yaa gbeje; waa ngɔ mɛ kaa yɔkɔ ngɔɔ gbogboe, be mi nɛ a ngɛ kpakpataa!

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Yesaya 14:11

Sa a, kpa sakuhi a kɛ laa kɛ woɔ o hɛ mi nyami; se jehanɛ lɛɛ o su gbeje. Wɔyewɔyehi ji sa nɛ o hwɔɔ si ngɛ nɔ, nɛ gɔgɔhi ji kuutu nɛ ha o nɔ.’

Yesaya 24:8

Saku kɛ miɛ, la kɛ do nɛ a kɛ nyaa a tsuo se po.

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.