Yesaya 5:13 - BAIBLO ALOO NGMAMI KLƆUKLƆU Ɔ

¹³ a maa nuu nyɛ nɛ a maa bɔ nyɛ pã kɛ ho ma se ya. Mi mi hwɔ maa gbe nyɛ ma nimeli ɔmɛ, nɛ kuma maa ye ni gu ɔmɛ kɛ yaa si a ma gbo.

Yesaya 5:13 ပူးပေါင်းရင်းမြစ်များ

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Yesaya 1:7

Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

2 Petro 3:5

A jeɔ blɔ peeɔ kaa a li kaa blema lokoo ɔ, munyu kɛkɛ lɛ Mawu tu, nɛ hiɔwe kɛ zugba ba, kaa a je zugba kɛ je nyu mi, nɛ nyu a kɛ bɔ zugba a.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Yeremia 8:7

Godohi tete le be nɛ a kɛ kpaleɔ a se kɛ baa we; lahuɛ, otoklii, kɛ aklawa hu le be nɛ a kɛ jeɔ he kake kɛ yaa he kake. Se ye ma, nyɛɛ lɛɛ nyɛ li ye mlaa amɛ.

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Amos 8:13

Pi enɛ ɔ kɛkɛ. Jamɛ a ligbi ɔ, nihewi kɛ yihewi tsuãã po, kuma maa ye mɛ nɛ a ma tsɔ fia si!

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yesaya 3:1

Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Yesaya 3:3

asafoatsɛmɛ, nihi nɛ a hɛ mi ngɛ nyami, ma ní tsuli, kɛ kunya yeli kpanakuhi.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Yesaya 49:21

Kɛkɛ ɔ, o ma bi o he ke, ‘Mɛnɔ lɛ fɔ bimɛ nɛ ɔmɛ ha mi? Nihi gbo ta ye he; i plɛ pee nɔ ko nɛ fɔ we, a nu mi kɛ ho ma se ya. Hyɛ, a si imi nɔ kake too, lɛɛ jije lɛ nimli nɛ ɔmɛ je mɔ? Mɛnɔ nɛ lɛ mɛ?’ ”

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.