Yesaya 5:12 - BAIBLO ALOO NGMAMI KLƆUKLƆU Ɔ

¹² Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Yesaya 5:12 ပူးပေါင်းရင်းမြစ်များ

La 28:5

Akɛnɛ a bui níhi nɛ Yawɛ tsu, kɛ níhi nɛ e pee ɔ he je ɔ, Yawɛ ma kpata a hɛ mi pɛsɛpɛsɛ, nɛ e be mɛ mɔbɔ nae hu.

Hiob 34:27

ejakaa a kpa e se nyɛɛmi, nɛ e mlaa amɛ hu a yi ekoeko nɔ.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Mose I, 31:27

Mɛni he je o sisi mi, nɛ o ku kɛ je nigii nɛ o de we mi ɔ? Kaa o de mi jinɛ tse i kɛ bua jɔmi, kɛ la, kɛ miɛ, kɛ saku ba je mo blɔ!

1 Korintobi 14:7

Ní komɛ kaa bɛ, aloo saku nɛ wami be a mi po ke a ngɛ pɛe ɔ, ja e mi tsɔ loko nɔ ko nɛ ngɛ tue bue ɔ maa le la a mi tso.

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.

Samuel II, 19:35

Jeha nyingmi kpaanyɔ nɛ i ye nɛ ɔ nɛ; nɛ nɔ́ ko ha we mi bua jɔmi hu. Anɛ i ngɛ lilɛ nɛ ma kɛ le nɔ́ nɛ i yeɔ, kɛ nɔ́ nɛ i nuɔ a ngɔmi lo? Aloo i ngɛ tue nɛ a kɛ buɔ lali a gbi tue lo? Mɛni he je nɛ e sa kaa ma ba pee tlomi kɛ fɔ ye nyɔmtsɛ matsɛ nɔ kɛ mwɔɔ?

Yesaya 24:8

Saku kɛ miɛ, la kɛ do nɛ a kɛ nyaa a tsuo se po.

Yesaya 29:1

Musu tloo Yerusalem! Yerusalem, Mawu bɔ sami la tɛ ɔ musu tloo lɛ! David ma nɛ e hi mi ɔ, musu tloo lɛ. Jeha kake, loo enyɔ komɛ kɛ a mi ní yemi, kɛ nyami ɔmɛ a se ɔ,

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Ezekiel 26:13

Ma ha o la amɛ a se maa po; a be o saku ɔmɛ a he nue hu.