Yesaya 5:10 - BAIBLO ALOO NGMAMI KLƆUKLƆU Ɔ

¹⁰ Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Yesaya 5:10 ပူးပေါင်းရင်းမြစ်များ

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Hagai 2:16

Jamɛ a be ɔ mi ɔ, ke nyɛ ya blɛfo ngmɔ mi, nɛ nyɛ ngɛ blɔ hyɛe kaa nyɛ ma na susumi nɔ́ nyingmi enyɔ ɔ, susumi nɔ́ nyɔngma pɛ nyɛ naa. Nyɛ hyɛ blɔ kaa nyɛ ma na dã buɛ nyingmi enuɔ ngɛ wai muɔ ɔ mi; se nyingmi enyɔ pɛ nyɛ naa.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Yoel 1:17

Níhi nɛ a du ɔ tsuo gbo ngɛ zu mi. A na we ngma a eko kulaa nɛ a kɛ maa to. Lɔ ɔ he ɔ, blɛfo gba amɛ a mi je gu, nɛ a ku kɛ pueɔ si.

Mose III, 27:16

Ke nɔ ko gbaa e zugba mi fa ko nɛ ji e weto ní nɔ kɛ ha Yawɛ ɔ, a da ní abɔ nɛ a duɔ ngɛ zugba a mi ɔ hiɛmi nɔ, konɛ a kɛ wo he jua. Ngma nɛ maa su kilo nyingmi enyɔ ɔ, a he sika hiɔ yi nyɔngma ngɛ he.

Mose V, 28:38

“Nyɛ ma du ní babauu ngɛ nyɛ ngmɔ mi, se ní bɔɔ pɛ nyɛ ma kpa; ejakaa baalɛ maa ye nyɛ niba ní ɔmɛ.

Mose V, 28:39

Nyɛ maa pee wai ngmɔ, nɛ nyɛ ma gbo dengme kɛ hyɛ nɔ saminya, se nyɛ be wai yiblii ɔ kpae, nɛ nyɛ be wai ɔ hu eko nae maa nu; ejakaa gɔgɔ maa ye wai tso ɔmɛ.

Yesaya 7:23

“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.

Yesaya 32:13

Nyɛɛ ye kɔmɔ ha ye ma mi bi ɔmɛ a zugba nɛ pú, kɛ mio tso hyi nɔ tɔ ɔ. Nyɛɛ wo yana ha ma a, kɛ we ɔmɛ nɛ bua jɔmi hi a mi sa be ko ɔ.

Yeremia 48:33

Bua jɔmi, kɛ nyami se po ngɛ Moab zugba kpakpa nɛ baa ní ɔ nɔ. I ha nɛ wai se po ngɛ wai ngami he ɔmɛ. Nihi nɛ peeɔ wai, nɛ ke a ngɛ wai ɔ pee nɛ a hii lele hwɔe kɛ hii he toe ɔ, jamɛatsɛmɛ ɔmɛ a ti nɔ ko nɔ ko be hu.

Mose II, 37:22

Kpɔ ɔmɛ, tso gblaa amɛ, kɛ kpɛti kane tso ɔ tsuo tsa; a ngɔ sika tsu ngmingmiingmi nɛ a si nɔ tɛtlɛɛ kɛ pee lɛ tsuo.