Yesaya 5:1 - BAIBLO ALOO NGMAMI KLƆUKLƆU Ɔ

¹ Bu la nɛ i ngɛ lae ha mo nɛ ɔ tue; la a kɔɔ ye huɛ ko kɛ e wai ngmɔ he. Ye huɛ ɔ ngɛ wai ngmɔ ko ngɛ yo zugba ko nɛ baa ní saminya nɔ.

Yesaya 5:1 ပူးပေါင်းရင်းမြစ်များ

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Luka 20:9

Jehanɛ ɔ, Yesu bu ni ɔmɛ abɛ ko ke, “Nyumu ko pee wai ngmɔ, nɛ e ngɔ ha huli apaa yeli, nɛ e doma kɛ ho he ko ya be babauu.

Yohane 15:1

“Imi ji wai tso nitsɛ ɔ, nɛ Tsaatsɛ ji ngmɔtsɛ.

Mateo 21:33

Yesu de mɛ ke, “Nyɛɛ bu abɛ kpa hu tue. Zugbatsɛ ko hi si. E pee wai ngmɔ, nɛ e du tso tsɔwi kɛ po piɛ wo he kɛ kpe; e tsua wai tɛ muɔ ngɛ mi, nɛ e ma buli a mɔ hu ngɛ mi. Kɛkɛ nɛ e kɛ ha ní tsuli apaa humi; nɛ e doma.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

La 80:8

O ngɔ wai tso kɛ je Egipt kɛ ba. O fie je ma amɛ kɛ je a zugba a nɔ, nɛ o ma wai tso ɔ ngɛ lejɛ ɔ.

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 6:3

I ngɔ ye he kɛ ha ye suɔlɔ ɔ, nɛ lɛ hu e ngɔ e he kɛ ha mi. E hyɛɔ e to ɔmɛ ngɛ nga nɔ mɔmɔ ɔmɛ a mi ngɛ lejɛ ɔ.

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Lahi 5:2

I hwɔ mahe, se i hwɔ we mahe kɛ ye tue. Tlukaa a, ye suɔlɔ ɔ ba si sinya a. Agoo, ye tsui kpa, bli sinya a ha mi. Ye nyɛmiyo, ye lahuɛ! Bɔ́ nɛɛ mi, nɛ ye yi, kɛ ye yi bwɔmi tsuo pɔ.

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

La 101:1

Yawɛ, ma la kɛ je o yi kɛ tsɔɔ kaa mɔbɔ nalɔ, kɛ dami sane yelɔ ji mo.

La 60:5

Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, konɛ ma nɛ mo nitsɛ o suɔ ɔ yi nɛ na wami.

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Ezekiel 15:2

“Nɔmlɔ adesa, wai tso, loo wai tso kɔni nɛ ngɛ hue mi tso ɔmɛ a kpɛti ɔ, mɛni e kɛ pe tso kpa amɛ tsuo?

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Mose V, 8:7

Yawɛ, nyɛ Mawu ɔ kɛ nyɛ yaa zugba nɛ baa ní saminya ko nɔ. Pahi, kɛ nyu hɛngmɛhi ngɛ nɔ, nɛ jehanɛ nyu pãã si kɛ jee zu mi nɛ e suɔ kɛ pueɔ yoku ɔmɛ a nɔ, kɛ kɔ̃ ɔmɛ a mi.

Mose V, 8:10

Nyɛ ma na ní maa ye maa tɔ; nɛ nyɛ maa na Yawɛ, nyɛ Mawu ɔ si ngɛ zugba nɛ baa ní saminya nɛ e ha nyɛ ɔ he.

Ezekiel 19:10

O nyɛ ngɛ kaa wai tso ko nɛ a hia ya ma ngɛ pa tue. E ná nyu saminya, lɔ ɔ he ɔ, e gba kɔnihi, nɛ e wo yiblii kplanyaa.