Yesaya 49:4 - BAIBLO ALOO NGMAMI KLƆUKLƆU Ɔ

⁴ Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.

Yesaya 49:4 ပူးပေါင်းရင်းမြစ်များ

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Abɛ Womi 29:26

Nihi babauu buɔ kaa a maa sa nɔ yelɔ hɛ mi; se Yawɛ pɛ ji nɔ nɛ yeɔ dami sane ha nɔ.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

Yesaya 40:27

Israel, lɛɛ mɛni he je o ngɛ dee ke Yawɛ li kaa o ngɛ nɔ́ nae, nɛ e bui kaa a ngɛ mo amimi yee ɔ?

Yesaya 57:21

Yiwutsotsɛmɛ be he jɔmi nae gblegbleegble.” Imi, Yawɛ lɛ i de.

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yesaya 65:23

A be yaka dengme gboe; a bimɛ be kpatu gbenɔ gboe; ejakaa nihi nɛ imi Yawɛ i gbaa mɛ a nina ji mɛ; a ngmɛdu maa hi si daa.

Ezekiel 3:19

Se ke o bɔ yayami peelɔ ɔ kɔkɔ, nɛ e kpa we yayami peemi ɔ, e ma gbo ngɛ e yayami ɔmɛ a he, se moo lɛɛ o ma he o yi wami.

Mose III, 26:20

Nyɛ ma gbo yaka dengme; ejakaa nyɛ zugba a be ní bae, nɛ e nɔ tso ɔmɛ hu be yiblii woe.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Luka 24:26

E hia kaa Kristo ɔ nɛ na amanehlu nɛ ɔmɛ, konɛ e sɛ e nyami ɔ mi.”

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 2:15

Ejakaa wa ngɛ kaa tsopa kɛ e he via liliili nɛ Kristo kɛ sãã bɔ ha Mawu. Wa nɔ nɛ a guu kɛ fiɛɔ sane kpakpa a nɛ kɔɔ Kristo he ɔ kɛ haa je ɔ tsuo, nihi nɛ ngɛ blɔ nɔ kɛ yaa neneene wami mi, kɛ ni nɛmɛ nɛ ngɛ blɔ nɔ kɛ yaa hɛ mi kpatami mi.

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.