Yesaya 49:2 - BAIBLO ALOO NGMAMI KLƆUKLƆU Ɔ

² E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Yesaya 49:2 ပူးပေါင်းရင်းမြစ်များ

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Kpojemi 1:16

E hɛɛ dodoe kpaago ngɛ e hiɔ nine mi, nɛ klaate nya enyɔtsɛ nɛ nya ba ngɛ e nya mi, nɛ e hɛ mi ngɛ kpɛe kaa piani pu.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

Kpojemi 2:12

“Bɔfo ɔ nɛ ngɛ asafo ɔ nya ngɛ Pergamo ɔ, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ngɛ klaate nya enyɔtsɛ nɛ nya ba a ngɔ ji nɛ ɔ nɛ.

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Luka 23:46

Kɛkɛ nɛ Yesu kpa ngmlaa wawɛɛ ke, “Tsaatsɛ, i tu ye mumi ɔ kɛ wo o dɛ mi!” Nɛ e de kikɛ ɔ, kɛkɛ nɛ e ma nya.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Efesobi 6:17

Yi wami hemi nɛ pee dade pɛɛ nɛ nyɛ bu. Nyɛɛ pɛtɛ Mawu munyu ɔ nɛ ji mumi ɔ klaate ɔ he.

Kpojemi 2:16

Lɔ ɔ he ɔ, mo tsake o tsui! Ke pi ja a, ma ba o ngɔ be kpiti. Ma ngɔ klaate nɛ ngɛ ye nya mi ɔ, nɛ i kɛ jamɛ a ni ɔmɛ maa hwu ta.

Mose II, 33:22

Ke be nɛ ye hɛ mi nyami ɔ bee ɔ, ma ngɔ mo ngɔ wo tɛ puɔ mi ngɛ tɛ sa nɛ ɔ mi. I kɛ ye nine maa ha o nɔ kɛ yaa si ma be.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Habakuk 3:11

Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.