Yesaya 48:9 - BAIBLO ALOO NGMAMI KLƆUKLƆU Ɔ

⁹ “Bɔ nɛ pee nɛ a je ye biɛ yi he je ɔ, i tsi ye mi mi la a nya; i tsi nya, konɛ ma ko kpata nyɛ hɛ mi.

Yesaya 48:9 ပူးပေါင်းရင်းမြစ်များ

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

La 143:11

Yawɛ, mo he ye yi wami kaa bɔ nɛ o wo si ɔ. O peeɔ nɔ́ nɛ da, lɔ ɔ he ɔ, mo je mi kɛ je haomi mi.

La 106:8

Se kɛ̃ ɔ, e he a yi wami kaa bɔ nɛ e wo si ɔ; nɛ e kɛ tsɔɔ e he wami kpetekpleenyɛ ɔ.

La 79:9

Mawu, piɛ wa he nɛ o he wa yi wami. Mo he wɔ, nɛ o ngɔ wa he yayami kɛ pa wɔ kɛ wo mo nitsɛ o biɛ ɔ hɛ mi nyami.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

Ezekiel 20:44

Nyɛ Israel bi, nyɛ maa na hu kaa ye biɛ Yawɛ ɔ, i sume kaa e puɛ. Lɔ ɔ he nɛ i kɛ nyɛ to we ní ngɛ nyɛ yayami ɔmɛ a he ɔ nɛ.” Nyɔmtsɛ Yawɛ lɛ de.

Ezekiel 20:22

Se i ha we nɛ e ba mi ja; ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yesaya 48:11

Imi nitsɛ ye he i pee ha; ee, imi nitsɛ ye he ma pee ha. Ejakaa mɛni he je e sa kaa a puɛ ye biɛ? I be ye hɛ mi nyami ngɔe kɛ ha nɔ kpa ko.”

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Abɛ Womi 19:11

Nɔ nɛ ngɛ juɛmi ɔ, e mi mi fu we mla. Ke nɔ ko tɔ̃ e nɔ nɛ e pui mi ɔ, lɔ ɔ woɔ e hɛ mi nyami.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Yesaya 65:8

Yawɛ ke, “Nɔ ko kpataa we e wai yiblii kpakpa hɛ mi; dã mohu e kɛ peeɔ. Jã kɛ̃ i be ye ma a hɛ mi kpatae pɛsɛpɛsɛ. Ni nɛmɛ nɛ sɔmɔɔ mi ɔ, ma he a yi wami.

Ezekiel 36:21

Israel ma a puɛ ye biɛ ngɛ he tsuaa he nɛ a ya a. Nɔ́ nɛ ɔ dɔ mi wawɛɛ.