Yesaya 48:17 - BAIBLO ALOO NGMAMI KLƆUKLƆU Ɔ

¹⁷ Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Yesaya 48:17 ပူးပေါင်းရင်းမြစ်များ

La 32:8

Yawɛ ke, “Ma tsɔɔ mo blɔ nɛ o nyɛɛ nɔ. Ma tsɔɔ mo ní, nɛ ma wo mo ga.

La 25:12

Nihi tsuo nɛ yeɔ Yawɛ gbeye ɔ, Yawɛ maa tsɔɔ mɛ blɔ nɛ a nyɛɛ nɔ.

Yesaya 30:20

Nyɔmtsɛ ɔ ma ha níhi a mi maa wa ha nyɛ lɛɛ, se lɛ nitsɛ e kɛ nyɛ maa hi si, nɛ e maa tsɔɔ nyɛ ní. E be hiae kaa nyɛ ma de ke nyɛ ma hla lɛ, nɛ nyɛ maa na lɛ hu.

La 73:24

O maa wo mi ga, nɛ o maa tsɔɔ mi blɔ. Nyagbe ɔ, o ma he mi atuu, nɛ o maa wo ye hɛ mi nyami.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Hiob 36:22

Na nɛ o le kaa Mawu ngɛ he wami; e kle pe tsɔɔli tsuo.

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Matsɛmɛ I, 8:36

moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.

Yesaya 43:16

Blema lokoo ɔ, Yawɛ je blɔ ko kɛ gu wo ɔ mi. Blɔ ɔ gu nyu glegleegle ɔ mi.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Efesobi 4:21

Niinɛ, nyɛ nu Kristo he, nɛ nyɛ ba pee e se nyɛɛli; nɛ anɔkuale ɔ nɛ kɔɔ e he ɔ, a tsɔɔ nyɛ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Yesaya 43:14

Yawɛ, yi wami helɔ, Israel Mawu Klɔuklɔu ɔ, bɔ nɛ e de ji nɛ ɔ nɛ: “Ma tsɔ nihi kɛ ya Babilon tɔɔ kɛ he o yi wami. Ma ku agbo ɔmɛ ngɔ pue si, nɛ lele nɛ a ngɛ hwɔe ɔ ma plɛ pee kɔmɔ yemi.

Mose I, 24:48

I kpla si nɛ i ja Yawɛ. I je Yawɛ, ye nyɔmtsɛ Abraham Mawu ɔ yi kaa e kpaka mi tɛɛ kɛ ba ye nyɔmtsɛ ɔ weku no ɔ ngɔ, nɛ i ba na e biyo ɔ nɛ ma ba pee ye nyɔmtsɛ ɔ binyumu ɔ yo ɔ.

Yesaya 28:9

A ngɛ munyu tue kɛ ngɛ mi sie ke, “Mɛnɔ ní jamɛatsɛ ɔ susu kaa e ngɛ tsɔɔe ɔ? E sɛ gbi ɔ, mɛnɔ ngɛ hlae? E sɛ gbi ɔ hi ha bimwɔwi nɛ kpaako a je nyɔ nya!

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yoshua 3:4

Se kɛ̃ ɔ, blɔ maa pee gugue lafa enuɔ loo nɔ nɛ hi nyɛɛ kɛ daka a nyɛ kpɛti, konɛ nyɛɛ na he nɛ nyɛ maa gu; ejakaa nyɛ gui hiɛmɛ nɛ ɔ hyɛ.”