Yesaya 48:14 - BAIBLO ALOO NGMAMI KLƆUKLƆU Ɔ

¹⁴ “Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.

Yesaya 48:14 ပူးပေါင်းရင်းမြစ်များ

Yesaya 43:9

Tsɛ je ma amɛ tsuo kɛ ba, nɛ a ba bua a he nya. A ti mɛnɔ ma nyɛ maa sɛɛ wɔ blema níhi. Ha nɛ a we odase yeli ɔmɛ nɛ a ba, nɛ a ba nu, konɛ a de ke e ngɛ mi, loo e be mi.

Yesaya 41:22

Nyɛɛ ba nɛ nyɛ ba gba níhi nɛ maa ba hwɔɔ se, konɛ ke a ba mi ɔ, waa le kaa ja nyɛ de ɔ nɛ. Níhi nɛ ba momo ɔ, nyɛ gba mi kɛ tsɔɔ wɔ, nɛ nyɛɛ tsɔɔ wɔ a sisi.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 44:7

Mɛnɔ kɛ mi sɔ? Ha nɛ a ha heto. Ha nɛ a je nya nɛ a de ngɛ ye hɛ mi. Níhi nɛ ba blema a, mɛnɔ lɛ de to? Ha nɛ a gba níhi nɛ maa ba hwɔɔ se.

Marko 10:21

Yesu hyɛ lɛ too nɛ e suɔ lɛ, lɔ ɔ he ɔ, e de lɛ ke, “E piɛ mo nɔ kake. Yaa nɛ o ya jua níhi tsuo nɛ o ngɛ ɔ, nɛ o dla sika a ha ohiatsɛmɛ, nɛ o ba nyɛɛ ye se.”

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Mose I, 49:1

Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Mose I, 49:2

“Yakob bimɛ, nyɛ bua nyɛ he nya nɛ nyɛɛ bu tue. Nyɛɛ bu nyɛ tsɛ Israel tue.

Yesaya 45:13

Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?