Yesaya 48:10 - BAIBLO ALOO NGMAMI KLƆUKLƆU Ɔ

¹⁰ I ngɔ amanehlu kɛ ka nyɛ kaa bɔ nɛ a tsuɔ sika hiɔ he ngɛ flɔɔnɔɔ mi; se i na kaa nyɛ he be se nami ko kulaa.

Yesaya 48:10 ပူးပေါင်းရင်းမြစ်များ

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

La 66:10

Mo Mawu, o ka wɔ hyɛ ha, o tsu wa he kaa bɔ nɛ a tsuɔ sika hiɔ he ɔ.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Ezekiel 20:38

Ma je atuã tsɔli ɔmɛ, kɛ ni nɛmɛ nɛ tɔ̃ ye nɔ ɔ kɛ je nyɛ kpɛti. A maa je zugba nɔ he nɛ a ya to nibwɔ ngɛ ɔ mohu, se a be Israel zugba a nɔ bae, konɛ nyɛɛ le kaa imi ji Yawɛ.”

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Hiob 28:1

Niinɛ, muɔhi ngɛ nɛ a tsuaa sika hiɔ ngɛ a mi. Sika tsu he tsumi hehi hu ngɛ.