Yesaya 47:6 - BAIBLO ALOO NGMAMI KLƆUKLƆU Ɔ

⁶ Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 47:6 ပူးပေါင်းရင်းမြစ်များ

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Kronika II, 28:9

Yawɛ gbalɔ ko nɛ a tsɛɛ lɛ Oded ngɛ Samaria jamɛ a be ɔ mi. Benɛ Israel tabo ɔ kpale a se kɛ ma Samaria a, Oded ya kpee mɛ, nɛ e de mɛ ke, “Yawɛ, nyɛ nɛmɛ a Mawu ɔ mi mi fu Yuda, nɛ e ngɔ mɛ ngɔ wo nyɛ dɛ mi. Se nyɛ gbe mɛ basabasa nɛ mɔbɔ nami ko be mi; nɛ Yawɛ nu nɔ́ nɛ ɔ he.

Mose V, 28:50

Ma nɛ ɔ yi mi maa wa; a be nɔkɔtɔma bue, nɛ jokuɛyo hu a be lɛ mɔbɔ nae.

Obadia 1:10

“O nyɛmimɛ ji Yakob nina. Se o wa mɛ yi mi, nɛ o gbe mɛ. Lɔ ɔ he ɔ, a ma kpata o hɛ mi, nɛ a ma pue o hɛ mi si kɛ ya neneene.” Mawu lɛ de.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

Obadia 1:16

“Ye we bi ɔmɛ na nɔ ngɛ yo klɔuklɔu ɔ nɔ. Se je ma amɛ nɛ bɔle mɛ ɔ, maa na nɔ kulaa pe mɛ, nɛ a maa ta zugba a nɔ.” Mawu lɛ de.

Yesaya 14:17

Nɔ nɛ kpata mahi a hɛ mi, nɛ e ha je ɔ he tsuaa he plɛ pee nga kplanaa nɔ ɔ, pi lɛ ji nɛ ɔ lo?’

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Ezekiel 28:16

Be nɛ jua yemi ba ngɛ nɔ yae ɔ, amimi yemi hu ba hyi o mi tɔ, nɛ o pee yayami. Lɔ ɔ he ɔ, i ha o je ye yo klɔuklɔu ɔ nɔ; nɛ Mawu bɔfo nɛ bu o he ɔ fie mo kɛ je tɛ ɔmɛ nɛ ngɛ kpɛe kɛ la nylamnylam ɔ a kpɛti.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Kɔmɔ Yemi 2:2

Nyɔmtsɛ ɔ kpata Israel ma amɛ tsuo a hɛ mi nɛ e nɛ mɔbɔ kulaa. E ngɔ e mi mi la a kɛ ywia Yuda ma a nya mɔ ngua amɛ tsuo ngɔ pue si. E ha zo gbe nɔ yemi ɔ, kɛ e mi matsɛmɛ ɔmɛ.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Yesaya 13:16

A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Samuel II, 24:14

David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla wa tue, ejakaa mɔbɔ nalɔ ji lɛ.”

Yesaya 14:6

Nimli nɛ ɔmɛ kɛ abofu nɛ nya wa fiaa je ma amɛ ní, nɛ a nɛ mɛ mɔbɔ kulaa; je mahi nɛ a ye a nɔ ɔ hu, a wa mɛ yi mi wawɛɛ nitsɛ nɛ he jɔɔmi ko be mi.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Kɔmɔ Yemi 5:12

A nuu wa ganɔ ɔmɛ nɛ a sɛu mɛ. Wa ma nimeli ɔmɛ hu a bui mɛ fɛɛ.

Kronika II, 10:11

Tsaatsɛ ngɔ tlomi nɛ jiɔ ngɔ tloo nyɛ; imi lɛɛ i kɛ tlomi ɔ eko ma pa piɛ he ha nyɛ. Tsaatsɛ ngɔ kpa gu kɛ fia nyɛ; imi lɛɛ i kɛ okpɔngɔ kpa maa fia nyɛ!’ ”

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Kronika II, 36:20

Ni nɛmɛ nɛ a yi na wami ɔ, e muɔ mɛ kɛ ho Babilonia ya, nɛ a ya sɔmɔ lɛ, kɛ e nina hluu kɛ ya si be nɛ a to Persia matsɛ yemi ɔ sisi.

Ezra 5:12

Akɛnɛ wa nɛmɛ ɔmɛ wo hiɔwe Mawu ɔ mi mi la he je ɔ, e ngɔ mɛ ngɔ wo Babilonia matsɛ, Nebukadnezer, Kaldea no ɔ dɛ mi. Nebukadnezer ba ku Mawu we ɔ ngɔ pue si, nɛ e nuu ni ɔmɛ nyɔguɛ kɛ ho Babilonia ya.

Kɔmɔ Yemi 4:16

Yawɛ hyɛ we a nɔ hu. Yawɛ nitsɛ nɛ e gbɛ mɛ ngɔ fĩa. E pee we osɔfo ɔmɛ a he akɔtaa hu, nɛ wa ma nimeli ɔmɛ hu, e nɛ mɛ mɔbɔ.

Zakaria 1:12

Kɛkɛ nɛ Yawɛ bɔfo ɔ de ke, “Yawɛ Tabohiatsɛ, jeha nyingmi kpaago sɔuu ji nɛ ɔ nɛ Yerusalem kɛ Yuda ma amɛ ha nɛ o mi mi wo la. Mɛni be nɛ o bua maa jɔ, nɛ o maa na mɛ mɔbɔ?”