Yesaya 47:13 - BAIBLO ALOO NGMAMI KLƆUKLƆU Ɔ

¹³ Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Yesaya 47:13 ပူးပေါင်းရင်းမြစ်များ

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Ezekiel 24:12

Hyɛ kaa i gbo dengme yaka! Bɔ nɛ a peeɔ pɛ i pee nɛ ɔ nɛ; se kana babauu pa ngɛ buɛ ɔ mi kɛ sa; la a po nyɛ we kana a nɛ e je.

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Yesaya 57:10

Nyɛ gbaa nyɛ he nya babauu kɛ kpaa si; pɔ hu tɔɛ nyɛ nɛ nyɛ ma kpa. Nyɛ susuɔ kaa nyɛ amaga amɛ haa nyɛ he wami, lɔ ɔ he ɔ, nyɛ ngmɛɛ we a he.

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Yesaya 47:15

Nihi tsuo nɛ o gbo a he dengme ɔ, se nɛ o ma na ngɛ a he ji nɛ ɔ nɛ; nihi nɛ kɛ mo ye jua kɛ je o jokuɛwi a si ɔ, mɛ tsuo a maa ngmɛɛ o he; nɔ tsuaa nɔ ma wo lɛ nitsɛ e blɔ, nɛ nɔ ko nɔ ko be piɛe nɛ ma he o yi wami.”

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.