Yesaya 47:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Yesaya 47:11 ပူးပေါင်းရင်းမြစ်များ

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

Luka 12:59

I ngɛ mo dee ke, o maa hi lejɛ ɔ kɛ yaa si o maa wo o hiɔ ɔ sisiisi.”

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Nehemia 4:11

Wa he nyɛli ɔmɛ susu kaa wa be mɛ nae, loo wa be nɔ́ nɛ ngɛ nɔ yae ngɛ a kpɛti ɔ lee kɛ yaa si be nɛ a ma ba tua wɔ tlukaa, nɛ a maa gbe wɔ, konɛ ní tsumi ɔ se nɛ po.

Mateo 18:34

Matsɛ ɔ mi mi fu, nɛ e wo tsɔlɔ ɔ tsu, nɛ́ a gbla e tue hluu kɛ yaa si e maa wo hiɔ ɔ tsuo.”

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Luka 17:27

A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

La 35:8

Ha nɛ a hɛ mi nɛ kpata tlukaa be mi nɛ a li a he be. Klama a nɛ a tsɔ mi ɔ, ha nɛ e du mɛ. Muɔ ɔ nɛ a tsua kɛ to ha mi ɔ, ha nɛ mɛ nitsɛmɛ a nɔ mi.

La 55:15

Ha nɛ ye he nyɛli ɔmɛ nɛ a gbo tlukaa; ha nɛ a hi a nane nya kɛ ya gbeje! Ejakaa yayami ngɛ a we ɔmɛ a mi, kɛ a tsui mi.

La 73:19

Ee, a hɛ mi ma kpata si kake too; a nyagbe maa pee gbeye.

Abɛ Womi 13:21

Haomi nyɛɛɔ yayami peeli a se. Se nihi nɛ peeɔ nɔ́ nɛ da lɛɛ a ma na hiɔwo kpakpa.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yesaya 29:5

Yerusalem, o he nyɛli ɔmɛ nɛ je ma se kɛ ba tua mo ɔ, a maa bɛɛ mɛ tsuo kɛ ho kaa bunyuku, nɛ a ta buli babauu kɛ a he gbeyegbeye ɔ maa pee kaa jakati ngɛ kɔɔhiɔ nya. Tlukaa, ngɛ hɛngmɛfia mi ɔ,

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Yeremia 51:43

Babilon ma amɛ plɛ pee níhi nɛ a hiee; zugba a pee kaa nga kplanaa nɛ nyu be nɔ. Nɔ ko nɔ ko be lejɛ ɔ, nɛ nɔ ko hu ba bi ngɛ lejɛ ɔ.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Ezekiel 7:26

Amanehlu maa nyɛɛ amanehlu se; nɛ munyu yobu maa nyɛɛ munyu yobu se; nyɛ ma hla nina kɛ je gbali ɔmɛ a ngɔ, se osɔfo ɔmɛ po mlaa maa laa mɛ kulaa; nɛ nyɛ ma nimeli ɔmɛ hu be ga kpakpa ko nyɛe maa wo.