Yesaya 45:9 - BAIBLO ALOO NGMAMI KLƆUKLƆU Ɔ

⁹ Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 45:9 ပူးပေါင်းရင်းမြစ်များ

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Yeremia 18:6

“Nyɛ Israel ma, anɛ i be he blɔ kaa i peeɔ nyɛ kaa bɔ nɛ buɛ puɛlɔ ɔ pee zu nɛ ɔ lo? Bɔ nɛ zu ngɛ ngɛ buɛ puɛlɔ dɛ mi ɔ, ja pɛ nyɛ ngɛ ngɛ ye dɛ mi ɔ nɛ.

Yesaya 29:16

A plɛɔ nɔ́ tsuaa nɔ́ yi ngɔ kaa si. Te nɔ́ nɛ he hia pe e nyɛmi nɛ; buɛ puɛlɔ ɔ, loo zu ɔ? Anɛ nɔ́ ko nɛ nɔmlɔ pee ɔ ma nyɛ ma de lɛ ke, “Tsa pi mo nɛ o puɛ mi!” loo e ma nyɛ de lɛ ke, “O li nɔ́ nɛ o ngɛ pee ɔ lo?”

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Hiob 9:12

Nɔ́ nɛ e suɔ ɔ, kɛkɛ e gblɔ kɛ je. Mɛnɔ ma nyɛ maa tsi e nya? Mɛnɔ ma nyɛ ma bi lɛ ke, “Mɛni o ngɛ pee nɛ ɔ?”

Hiob 33:13

Mɛni he je mɔ lɛ o kɛ lɛ ngɛ pɛe kaa e bui níhi nɛ e ngɛ pee ɔ ekoeko he akɔtaa kɛ tsɔɔ we nɔ ko?

Fiɛlɔ 6:10

Nɔ́ tsuaa nɔ́ nɛ ba a, a de to momo. Wɔ tsuo wa le kaa nɔmlɔ nɛ ngɛ nɛ ɔ, nɔ nɛ he wa pe lɛ ɔ, e kɛ lɛ nɔɛ kunɔ.

Yesaya 45:10

Musu tloo bi muɔloku nɛ deɔ e tsɛ ke, “Mɛni bi a ma fɔ ha mo?” aloo e nyɛ ke, “Kɔɔmi nɛ o nu ɔ, mɛni bi o ma fɔ?”

Yeremia 36:29

Yawɛ de mi ke ma de Yuda matsɛ, Yehoyakim ke, “O sã womi kpo ɔ, nɛ o bi Yeremia ke mɛni he je e ngma ke Babilonia matsɛ ɔ ma ba kpata zugba nɛ ɔ hɛ mi, nɛ e maa gbe e mi nimli, kɛ lohwehi tsuo lo.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

Hiob 10:9

Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.