Yesaya 45:8 - BAIBLO ALOO NGMAMI KLƆUKLƆU Ɔ

⁸ Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Yesaya 45:8 ပူးပေါင်းရင်းမြစ်များ

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

La 72:6

Ha nɛ matsɛ ɔ yi nɔ nɛ jɔ kaa hiɔmi nɛ nɛɛ pueɔ ngmɔ nɔ nɛ haa zugba a nyu ɔ.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

La 72:3

Zugba a nɛ ba ní saminya, nɛ á ye dami sane ngɛ he tsuaa he.

Efesobi 4:24

Nyɛɛ ba nyɛ je mi kaa ni hehi nɛ a bɔ mɛ ehe ngɛ Mawu subai nɔ; konɛ a na nyɛ kaa anɔkuale mi ɔ, nyɛ peeɔ nɔ́ nɛ da, nɛ nyɛ he hu tsɔ.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Yesaya 66:22

“Bɔ nɛ zugba he, kɛ hiɔwe he nɛ ma pee ɔ maa hi si daa ngɛ ye he wami nya a, ja nyɛ nina, kɛ nyɛ biɛ tsuo maa hi si.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

La 68:8

mo Yawɛ Israel Mawu ɔ, o ha zugba mimiɛ, nɛ hiɔmi nɛ ngɛ mo Mawu ɔ o hɛ mi. Sinai yo ɔ tete mimiɛ ngɛ mo Mawu, Israel Mawu ɔ, o hɛ mi.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Matsɛmɛ II, 19:25

Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”