Yesaya 45:7 - BAIBLO ALOO NGMAMI KLƆUKLƆU Ɔ

⁷ Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 45:7 ပူးပေါင်းရင်းမြစ်များ

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

La 75:7

Mawu ji kojolɔ; e woɔ ni komɛ a nɔ, nɛ e baa ni komɛ si.

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Yesaya 31:2

Yawɛ ɔ, ní lelɔ ji lɛ, nɛ e gblaa nɔ tue. Ke e de nɔ ko ɔ, e kpale we e nya se. E gblaa yayami peeli kɛ a he piɛli tsuo a tue.

Yeremia 31:35

Yawɛ lɛ pee pu, konɛ e tso piani. Lɛ nɛ pee nyɔhiɔ kɛ dodoehi konɛ a kpɛ nyɔ mi. Yawɛ lɛ klɛɔ wo mi, nɛ e haa nɛ oslɔke ɔmɛ gliɔ E biɛ ji Yawɛ Tabohiatsɛ.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Yeremia 51:20

Yawɛ ke, “Babilonia, ye hamle ji mo; o ngɛ kaa ye ta hwumi ní. I ngɔ mo kɛ kpata je mahi, kɛ matsɛ yemihi a hɛ mi.

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Ezekiel 32:8

Ma ha pu, nyɔhiɔ, kɛ dodoe ɔmɛ tsuo maa laa, nɛ diblii maa wo ngɛ je ɔ mi tsuo. Imi, Nyɔmtsɛ Yawɛ lɛ i de.

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 8:3

Ke i susu níhi nɛ ngɛ hiɔwe a he, nyɔhiɔ kɛ dodoehi, ke i hyɛ ní nɛ ɔmɛ nɛ o kɛ o nine pee ɔ,

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Mose II, 14:20

ngɛ Egipt tabo ɔ, kɛ Israel tabo ɔ a kpɛti. Bɔku ɔ ha diblii wo Egipt bi ɔmɛ, se Israel bi ɔmɛ lɛɛ a hyɛ nɔ. Lɔ ɔ he ɔ, tabo enyɔ ɔmɛ nyɛ we nɛ a su a sibi a he nɛ je kɛ na.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Matsɛmɛ II, 19:25

Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

La 105:28

Mawu ha nɛ diblii wo ngɛ zugba a nɔ. Se nɔ́ nɛ e fa Egipt bi ɔmɛ ke a pee ɔ, a bui fɛɛ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Kɔmɔ Yemi 3:38

Kpakpa jio, yaya jio, Hiɔwe No ɔ lɛ deɔ loko e baa mi.

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Hiob 10:13

Se amlɔ nɛ ɔ, i le kaa o ngɔ ní nɛ ɔmɛ tsuo ngɔ to o yi mi; nɛ daa nɛ ɔ o ngɛ ga toe nɛ o kɛ ye mi awi.

La 74:16

Mo lɛ o bɔ nyɔ kɛ pia, nɛ o ngɔ pu kɛ hlami ngɔ to a blɔ hehi.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?