Yesaya 45:6 - BAIBLO ALOO NGMAMI KLƆUKLƆU Ɔ

⁶ I ngɛ nɔ́ nɛ ɔ pee, konɛ nihi tsuo ngɛ je ɔ mi, kɛ je beleku je kɛ ya si bonyoku je nɛ a le kaa imi ji Yawɛ, nɛ ye se ɔ, mawu kpa ko be hu.

Yesaya 45:6 ပူးပေါင်းရင်းမြစ်များ

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 45:5

“Imi ji Yawɛ; ye se ɔ, mawu kpa ko be hu. O li mi lɛɛ, se he wami nɛ hia mo ɔ, i ngɔ ha mo.

Yesaya 47:8

“Jehanɛ lɛɛ, bu tue; mo nɛ o suɔ je mi ngɔɔmi yemi, nɛ o hii si gbɔjɔɔ kaa nɔ nɛ he mi jɔ lɛ, mo nɛ o fĩaa ke o kle kaa Mawu, nɛ nɔ ko nɔ ko kɛ mo sɔɛ. O susuu hu kaa o be yalɔyo pee gblee, nɛ o bimɛ hu be gboe kɔkɔɔkɔ.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Ezekiel 39:21

Yawɛ ke, “Ma ha je ma amɛ maa na ye hɛ mi nyami ɔ; ma tsɔɔ mɛ bɔ nɛ i gblaa ni nɛmɛ nɛ peeɔ nɔ́ nɛ dɛ ɔ a tue wawɛɛ ha.

Yoel 2:27

Israel ma, jamɛ a be ɔ mi loko nyɛ maa le kaa i kɛ nyɛ ngɛ. Imi ji Yawɛ, nyɛ Mawu ɔ nɛ; ye se ɔ, mawu kpa ko be hu. A be ye ma a ahlua bɔe ligbi ko ligbi ko hu.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.