Yesaya 45:5 - BAIBLO ALOO NGMAMI KLƆUKLƆU Ɔ

⁵ “Imi ji Yawɛ; ye se ɔ, mawu kpa ko be hu. O li mi lɛɛ, se he wami nɛ hia mo ɔ, i ngɔ ha mo.

Yesaya 45:5 ပူးပေါင်းရင်းမြစ်များ

Matsɛmɛ I, 8:60

bɔ nɛ pee nɛ je ma amɛ tsuo nɛ a le kaa Yawɛ pɛ ji Mawu; e se ɔ, mawu kpa ko be hu.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Hiob 12:18

E kpaa matsɛmɛ, nɛ e haa nɛ a plɛɔ peeɔ pamitsɛmɛ.

Hiob 12:21

E pueɔ ganɔhi a hɛ mi si, nɛ e haa a he wami ɔ se poɔ.

La 18:31

Se mɛnɔ ji Mawu ngɛ Yawɛ se? Mɛnɔ ji tɛ sa? Pi wa Mawu ɔ lo?

La 18:32

Lɛ ji Mawu nɛ haa mi he wami; lɛ nɛ haa ye blɔ daa mi.

La 18:33

Lɛ nɛ haa nɛ ye nane nya sɔɔ kaa odabɔ nane nya. E ngɔ mi ngɔ to yo ɔmɛ a nɔ ngɛ he jɔmi mi.

La 18:39

Mo lɛ o ha mi he wami nɛ i kɛ hwu ta; mo lɛ o ha nɛ i ye ye he nyɛli ɔmɛ a nɔ.

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Yesaya 22:21

Ma ngɔ o ní tsumi tade wuyaa a ngɔ wo lɛ, nɛ ma mia lɛ kɛ o mlɛ mi fimi nɔ́ ɔ. Nɛ blɔ nya tsuo nɛ o hɛɛ ɔ, ma ngɔ wo e dɛ, nɛ e maa pee kaa tsɛ kɛ ha Yerusalem ma a, kɛ Yuda zugba a tsuo.

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yesaya 45:6

I ngɛ nɔ́ nɛ ɔ pee, konɛ nihi tsuo ngɛ je ɔ mi, kɛ je beleku je kɛ ya si bonyoku je nɛ a le kaa imi ji Yawɛ, nɛ ye se ɔ, mawu kpa ko be hu.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

Yesaya 47:8

“Jehanɛ lɛɛ, bu tue; mo nɛ o suɔ je mi ngɔɔmi yemi, nɛ o hii si gbɔjɔɔ kaa nɔ nɛ he mi jɔ lɛ, mo nɛ o fĩaa ke o kle kaa Mawu, nɛ nɔ ko nɔ ko kɛ mo sɔɛ. O susuu hu kaa o be yalɔyo pee gblee, nɛ o bimɛ hu be gboe kɔkɔɔkɔ.

Ezekiel 30:24

Lɔ ɔ se ɔ, ma wo Babilonia matsɛ ɔ dɛ mi klaate, konɛ e na he wami ekohu. Se Egipt matsɛ ɔ lɛɛ, ma kplɔ e kɔni ɔmɛ ngɛ e he. E ma kɛmɛ ngɛ e he nyɛlɔ ɔ hɛ mi; nyagbe ɔ, e ma gbo.

Yoel 2:27

Israel ma, jamɛ a be ɔ mi loko nyɛ maa le kaa i kɛ nyɛ ngɛ. Imi ji Yawɛ, nyɛ Mawu ɔ nɛ; ye se ɔ, mawu kpa ko be hu. A be ye ma a ahlua bɔe ligbi ko ligbi ko hu.

Yohane 1:1

Loko nɔ́ tsuaa nɔ́ je sisi ɔ, Munyu ɔ ngɛ momo. Munyu ɔ kɛ Mawu nɛ ngɛ, nɛ Munyu ji ɔ Mawu ngɛ.

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Mose V, 4:35

Nyɛɛ lɛɛ Yawɛ ha nyɛ na ní nɛ ɔmɛ kɛ tsɔɔ nyɛ kaa Yawɛ ɔ, lɛ nɔ kake pɛ ji Mawu; nɛ nɔ ko nɔ ko be hu, ja lɛ pɛ.

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.