Yesaya 45:4 - BAIBLO ALOO NGMAMI KLƆUKLƆU Ɔ

⁴ I tsɛ mo, konɛ o piɛ Israel he. Israel nɛ ɔ ji ma nɛ imi nitsɛ i hla. E ngɛ mi kaa o li mi lɛɛ, se i wo o hɛ mi nyami wawɛɛ nitsɛ.

Yesaya 45:4 ပူးပေါင်းရင်းမြစ်များ

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Yesaya 44:1

Yawɛ ke, “Jehanɛ, mo Israel, ye tsɔlɔ, ye ma nɛ i hla, Yakob nina, bu tue.

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

Marko 13:20

Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 43:14

Yawɛ, yi wami helɔ, Israel Mawu Klɔuklɔu ɔ, bɔ nɛ e de ji nɛ ɔ nɛ: “Ma tsɔ nihi kɛ ya Babilon tɔɔ kɛ he o yi wami. Ma ku agbo ɔmɛ ngɔ pue si, nɛ lele nɛ a ngɛ hwɔe ɔ ma plɛ pee kɔmɔ yemi.

1 Tesalonikabi 4:5

Nyɛ ko di akɔnɔ se kaa bɔ nɛ nihi nɛ li Mawu ɔ peeɔ ɔ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

La 136:22

Lɛ nɛ e ngɔ zugba amɛ kɛ ha e tsɔlɔ, Israel kaa e weto ní; ejakaa e suɔmi ɔ ngɛ kɛ yaa neneene!

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.