Yesaya 45:2 - BAIBLO ALOO NGMAMI KLƆUKLƆU Ɔ

² “Imi nitsɛ ma nyɛɛ o hɛ mi, nɛ ma ba yo ɔmɛ tsuo si. Ma ku akɔblee agbo ɔmɛ, nɛ ma poo a se lami ní ɔmɛ a mi ngɔ pue he.

Yesaya 45:2 ပူးပေါင်းရင်းမြစ်များ

Yesaya 40:4

Nyɛɛ tsi kɔ̃ tsuaa kɔ̃, nyɛ ha yo tsuaa yo, kɛ yoku tsuaa yoku nɛ ba si. Zugba nɛ nɔ ngɛ tsakatsaka, kɛ nɔ́ nɛ nɔ ngɛ googagooga tsuo a nɔ nɛ sɔ.

Luka 3:5

Á tsi kɔ̃ tsuaa kɔ̃; á ba kpo tsuaa kpo, kɛ yo tsuaa yo si. Á pee blɔhi nɛ kpɛ̃ ɔ tlɔmɔɔ, nɛ ní nɛmɛ nɛ ngɛ googagooga a, a nɔ nɛ sɔ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

La 107:16

E ku akɔblee agbo ɔmɛ, nɛ e poo agbo se lami dade ɔmɛ a mi.

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

Yesaya 24:12

A ku gbogbo ɔmɛ dukuduku ngɔ pue si, nɛ ma a tsuo plɛ pee ma doku.

Yesaya 45:13

Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Yesaya 48:15

Imi nitsɛ nɛ i hla lɛ. Imi nɛ i ngɔ lɛ kɛ ba, nɛ ní tsumi nɛ i ha lɛ ɔ, e maa ye manye ngɛ mi.

Yeremia 28:13

ma ya nɛ ma ya de Hanania ke, “Yawɛ ke o ku tso kuɛpã tso ɔ lɛɛ, se e maa pee dade nɔ́ kɛ to nane mi.

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Daniel 5:28

PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Nahum 3:13

O ta buli ɔmɛ ngɛ kaa yihi pɛ; ke he nyɛli ba tua ma a, nɔ ko be nyɛe maa te si kɛ wo mɛ. La maa sã agbo ɔmɛ a se lami ní ɔmɛ.

Yesaya 13:2

Nyɛɛ si aflangaa ngɛ yo kpataa ko nɔ. Nyɛ kpa ngmlaa kɛ tsɛ ta buli ɔmɛ; nyɛɛ fɔ mɛ nine kɛ pee okadi ha mɛ ke a ya tua odehe ɔmɛ a ma a, nɛ a sɛ agbo ɔmɛ a mi.

Daniel 8:4

I na nɛ agbosu ɔ ngɔ e koli ɔmɛ kɛ ngɛ lohwehi hɛɛe ngɛ e blɔ mi, kɛ je bonyoku, omleyi, kɛ leneyi je. Lohwe ko lohwe ko nyɛ we lɛ, loo e kpɔ e he kɛ je e dɛ mi. Agbosu ɔ bui nɔ́ ko nɔ́ ko; nɔ́ nɛ e suɔ nɛ e peeɔ.